پاسپۆرتی سلێمانی: هەواڵێکی وەزارەتی ناوخۆی عێراق لەبارەمانەوە ناڕاستە

0
686

SNN

بەڕێوەبەری پاسپۆرتی سلێمانی راگەیەندراوێکی وەزارەتی ناوخۆی عێراق رەتدەکاتەوە کە رایگەیاندبوو “ژمارەی فەرمانبەرانی بەڕێوەبەرایەتییەکە پێنج هەزار کەسە کە زۆرینەیان بندیوارن”، دەشڵێت: 272 فەرمانبەرمان هەیە.

سالار عەبدوڵا، بەڕێوەبەری پاسپۆرتی سلێمانی لە لێدوانێکیدا رایگەیاند: ژمارەی فەرمانبەرانمان بە سەربازی و مەدەنیەوە 272 کەسە کە دابەشبوون بەسەر خودی بەڕێوەبەرایەتیەکەمان لەناو شاری سلێمانی، پاسپۆرتی هەڵەبجە، گەرمیان و چەمچەماڵ و رانیە”.

سەبارەت بەوەی کە میلاکیان زۆرە، سالار عەبدوڵا وتی: بە پێچەوانەوە پێویستمان بە کارمەندی دیکەیە، هەربۆیە 26 لە کارمەندانمان رۆژانە بۆ راپەڕاندنی کارەکانیان دەچنە پاسپۆرتی هەڵەبجە و دوا نیوەڕۆ دەگەڕێنەوە”.
وتیشی: پێویستمان بە 50 تا 60 کارمەندی دیکە هەیە لە بەڕێوەبەرایەتیەکەمان دابمەزرێن.

ئەمەش دوای ئەوەدێت، وەزارەتی ناوخۆی عێراق رایگەیاند: ژمارەی فەرمانبەرانی پاسپۆرتی سلێمانی پێنج هەزار کەسە کە دە هێندەی پاسپۆرتی کەربەلایە، دواکەوتنی مووچەکانیشیان پەیوەندی بەوەوە هەیە.

بەشی بکە لە
Previous Next
Close
Test Caption
Test Description goes like this