ئەندامێکى ئەنجوومەنى پارێزگاى سلێمانى: ئەگەر هه‌ولێر و به‌غدا نه‌گه‌نه‌ رێككه‌وتن ده‌ستكراوه‌ ده‌بین

0
326
ئه‌نجومه‌نى پارێزگاى سلێمانى | فۆتۆ: SNN

SNN

ئه‌ندامێکی ئه‌نجوومه‌نی پارێزگای سلێمانی رایده‌گه‌یه‌نێت: ئه‌گه‌ر هه‌رێمی کوردستان و به‌غدا نه‌گه‌نه‌ رێککه‌وتن له‌سه‌ر پرسی مووچه‌ دەستمان کراوە دەبێت بۆ هەر ئەگەرێک له‌پێناو بژێوى ژیانى هاووڵاتییاندا، ده‌شڵێت: ” بژارده‌ی خۆمان هه‌یه”.

ئه‌مڕۆ دووشه‌ممه‌ ئەکرەم شەریف، ئه‌ندامی ئه‌نجوومه‌نی پارێزگای سلێمانی له ‌فراکسیۆنی سەوز بە SNN راگه‌یاند: “ئێمە به‌هیواین هه‌رێم و به‌غدا بگه‌نه‌ رێککه‌وتن و تیمەکانمان لە حکومەت لە هەوڵى جدیدان لەسەر ئەم پرسە، بەڵام ئه‌گه‌ر نه‌گه‌ین بە رێککەوتن ئه‌وا دەستەوەستان نابین لەوەى چه‌ند که‌سێک مامه‌ڵه‌ى هه‌ڵه‌ به‌ مه‌له‌فى نه‌وته‌وه‌ بكه‌ن”.

وتیشی: “لە یاساى بودجەى عێراقدا بڕگەیەک هەیە که‌ تیایدا رێگه‌ده‌دات به‌وه‌ى هه‌ر پارێزگایه‌ک داهاته‌ فیدراڵییه‌کانى راده‌ستى ناوەند بکات، لە بەرامبەردا پشکی خۆی له‌ بودجه‌ وه‌ربگرێت”.

ئه‌و ئه‌ندامه‌ی ئه‌نجوومه‌نی پارێزگای سلێمانی ئه‌وه‌شى خسته‌ڕوو: “پرۆژه‌ی لامه‌رکه‌زیی و مامەڵەکردنى سلێمانى لەگەڵ حکومەتى عێراق لەو‌ دوو پێشنیازه‌ کامیان گرنگتربوون بۆ ئێستا ئه‌وه‌یان جێبه‌جێده‌کرێت، بێگومانیش بۆ خه‌ڵک مووچه و قوتى ژیانیان‌ گرنگتره‌”.

هاوکات ئاماژەى بەوەشکرد: “لە سنوورى پارێزگاى سلێمانى یەدەگێکى زۆرى سامانى سروشتى بوونى هەیە و ناکرێت ئەم پارێزگایە هێندەى دیکە پەراوێز بخرێت، هەر کارێکیش ئەنجامبدەین لەپێناو بژێوى ژیانى هاووڵاتییاندا دەبێت و هەر هەنگاوێکیش بنێین بەپێى یاسا مامەڵەى لەگەڵ دەکەین”.

 

بەشی بکە لە
Previous Next
Close
Test Caption
Test Description goes like this