زەرەرمەندانی کەیسەکەی سلێمان هەڵشۆیی داوای یارمەتی لە هاوسەرۆکانی یەکێتی دەکەن

0
211

SNN

ئەمڕۆ ئەو هاووڵاتیانەی کە لە مامەڵەیاندا لەگەڵ سلێمان هەڵشۆیی زیانیان پێگەیشتوە، گردبوونەوەیەکی ناڕەزاییان لە ڕاپەڕین ئەنجامدا و بڕیاریشە داوای یارمەتی لە هاوسەرۆکانی یەکێتی بکەن.

نوێنەری ئەو هاووڵاتییانە لە کۆنفرانسێکی رۆژنامەوانیدا وتی: ئەنجومەنەکەمان کە ناومانناوە ‘ئەنجومەنی مافخوراوان’ پاش کەمێکی دیکە سەردانی دەباشان دەکات و داوا لە هاوسەرۆکانی یەکێتی دەکات کە مافەکانمان بۆ بگەڕێنێتەوە، دەشڵێت: “ئومێدێکی زۆرمان هەیە کێشەکەمان چارەسەربکرێت”.

وتیشی: “دادگا لەم کەیسەدا کەمتەرخەم نەبووە، بەمنزیکانە یاداشتێکی دیکەش دەدەینە پەرلەمانی کوردستان، هاوکات خوازیارین بە رێگەی سوڵحی عەشایەری کێشەکەمان چارەسەربکەین”.

نوێنەری ئەو هاووڵاتیانە رەتیکردەوە هیچ بەرپرسێک لەپشت تۆمەتبارانەوە بووبێت، وتیشی: “لە ئێستادا سەردانیکردنی سلێمان هەڵشۆیی قەدەغەکراوە، ناوبراو هیچ پارەیەکی لەلا نەماوە و ئەو پارەیەی کە هەیە لەلای شەریکەکانیەتی”.

باسی لەوەشکرد: “ئەو زیانە ماددیەی کە بەهۆی مامەڵەکانەوە بەر هاووڵاتیانی ناوچەکە کەوتووە، چەندین کێشەی کۆمەڵایەتی لێکەوتووەتەوە، لەنێویشیاندا حاڵەتێکی جیابوونەوەی هاوسەران و هەڕەشەی کوشتنیش لە کەسێکی دیکە دەکرێت”.

بەشی بکە لە
Previous Next
Close
Test Caption
Test Description goes like this