هاوپەیمانیی هیوای کوردستانیی لەگەڵ مستەفا کازمیی کۆبووەوە

0
510

SNN

ئەمڕۆ چوارشەممە هاوپەیمانیی هیوای کوردستانن لەگەڵ سەرۆکوەزیرانی عێراق کۆبووەوە، ئەندامێکی هاوپەیمانێتییەکەش دەڵێت: “گۆڕینی پەیوەندیی نێوان هەرێم و حکومەتی ئیتیحادی بۆ پەیوەندیی هاوکاری و تەواوکاری دیدی هاوبەشی هەردوولا بوو”.

ئەحمەدی حاجی رەشید پەرلەمانتاری کۆمەڵی ئیسلامی و ئەندامی هاوپەیمانێتییەکە دەڵێت: “لەو کۆبونەوەیەدا چەندین تەوەری هەستیار و گرنگی تایبەت بە عێراق بە گشتی و هەرێمی کوردستان بە تایبەتی گفتوگۆ کران، پرسی گۆڕینی پەیوەندیی نێوان هەرێم و حکومەتی ئیتیحادی بۆ پەیوەندیی هاوکاری و تەواوکاری دیدی هاوبەشی هەردوولا بووە”.

وتیشی: “پشکی هەرێمی کوردستان لە موازەنەی فیدراڵیی و شایستە داراییەکانیی جوتیاران و فەرمانگە فیدراڵییەکان و کێشەی فەرمانبەرانی بەنداوەکانی هەرێم و زیندانیانی سیاسیی و شەهیدان و ئەو گرفتانەی تر کە لە مافە دەستورییەکانی هەرێمی کوردستاندا هەیە، باس کران”.

تەوەرێکی گرنگی کۆبوونەوەکە تایبەت بووە بە دۆسێی ماف و ئازادییەکان لە کوردستان و داوایانکردووە سەرۆکوەزیرانی عێراق هەوڵەکانی بۆ ئازادکردنی زیندانیەکانی دهۆک و بادینان بخاتە گەڕ کە لە پێناوی ئازادیی رادەربڕین چەندین مانگە خراونەتە زیندانەوە و ژیان و سەلامەتییان لە مەترسیدایە .

بەوتەی ئەو ئەندامەی هاوپەیمانێتیی هیوا، سەرۆکوەزیرانی عێراق رایگەیاندووە “لە پێناوی دژایەتی کردنی گەندەڵی و داکۆکیکردن لە بەرژوەندیی هاووڵاتیان هەماهەنگ و پشتیوانی یەکتری دەبین” .

کازمی بەڵێنیداوە بە زوویی کێشەی فەرمانگە فیدراڵییەکان و بەنداوەکان و شایستە داراییەکانیی جوتیاران چارەسەر بکرێت و بەدواداچوون بۆ هەموو کێشە و گرفتەکانی تریش بکات.

بەشی بکە لە
Previous Next
Close
Test Caption
Test Description goes like this