“هەفتەی داهاتوو رەشنووسی پڕۆژەیاسای بودجەی هەرێم ئامادە دەبێت”

0
185
لۆگۆی حکومەتی هەرێم | فۆتۆ: SNN

SNN

زاگرۆس فەتاح بریکاری وەزارەتی پلاندانانی هەرێم رایگەیاند: کۆبوونەوەکانمان بۆ ئامادەکردنی رەشنووسی پرۆژەیاسای بودجەی هەرێم چڕکردووەتەوە پێدەچێت هەفتەی داهاتوو رەشنووسەکە ئامادەبێت.

زاگرۆس فەتاح لە هەژماری فەرمی خۆی لە فەیسبووک بڵاویکردووەتەوە: “لە دوو هەفتەی ڕابردوودا گفتوگۆی چڕوپرمان هەبوو لەگەڵ وەزارەت و دەستەکانی حکوومەتی هەرێمی کوردستان تایبەت بە ئامادەکردنی ڕەشنووسی بودجەی 2021ی هەرێمی کوردستان، کۆبوونەوەکان لەگەڵ بەڕێزان بریکاران و بەڕێوەبەرە گشتییەکان و ستافی پەیوەندیداری وەزارەت و دەستەکان بوو”.

دەشڵێت: “ئاراستەی کۆبوونەوەکانمان بەشێوەیەک بوو کە ئەولەویەت بۆ ئەو پرۆژانە بێت کە زیاتر خزمەتگوزارین و کاریگەریی ڕاستەوخۆیان لەسەر باروگوزەرانی هاووڵاتیان دەبێت”.

ئاماژەی بەوەشکرد: “لە هەفتەی داهاتوودا لەسەر بنەمای دەرەنجامی ئەو کۆبوونەوانە و داتای پرۆژەکان هەوڵ دەدەین ڕەشنووسی پرۆژەیاساکە تەواو بکەین و هەماهەنگی لەگەڵ وەزارەتی دارایی و ئابووری دەکەین و دواتر هەردوو بەشی بودجەی وەبەرهێنان و بودجەی بەکاربردن وەک یەک پاکێج لە ژێر ناوی ڕەشنووسی پرۆژەیاسای بودجەی 2021ـی هەرێمی کوردستان پێشکەش بە ئەنجوومەنی وەزیران دەکەین”.

بەشی بکە لە
Previous Next
Close
Test Caption
Test Description goes like this