بەهای بەرمیلێک نەوت گەیشتە 59 دۆلار و بەرزترین ئاست لە ماوەی ساڵێکدا تۆمار دەکات

SNN

بەپێی ماڵپەری جیهانی “ئۆیڵ پرایس” نرخی بەرمیلێک نەوتی خاوی برێنت ئەمڕۆ هەینی گەیشتە 59.24 دۆلار، ئەوەش بەرزترین ئاستە لەماوەی یەک ساڵی رابردودا.

هەروەها نرخی نەوتی خاوی تەکساسی ئەمریکا 36 سەنت بەرزبوەتەوە واتا 0.64% و گەیشتوەتە 56.59 دۆلاری ئەمریکی، ئەوەش بەرزترین ئاستە لە 22ی مانگی یەکی ساڵی ڕابردوەوە، تاماس ڤارگا شرۆڤەکاری نەوت لە ناوەندی (PVM) لەبارەی هۆکاری بەرزبونەوەی نەوت رایگەیاند: بەرزیی رێژەی پابەندبوون بە رێککەوتنی ئۆپێک پڵەس پاڵپشتی لە بەرزبوونەوەی نرخی نەوت کردووە.

ئاماژەی بەوەشکرد، کەمکردنەوەی بەرهەمهێنانی یەک ملیۆن بەرمیل نەوتی رۆژانە لەلایەن سعودیە کە لە سەرەتای ئەم مانگەوە دەستیپێکردوە بە لایەنی کەمەوە تاوەکو کۆتایی مانگی ئازار بۆ هاوسەنگکردنی بازاڕی نەوت گرنگە.