دەمیرتاش لە زیندانەوە پەیامێک ئاراستەی چەند پارتێک دەکات

0
167

SNN

سەڵاحەدین دەمیرتاش هاوسەرۆکی پێشووی پارتی دیموکراتی گەلان (HDP)، پەیامێکی ئاراستەی شەش پارتی ئۆپۆزیسیۆنی تورکیا کردووە و داوای کاری هاوبەشی لێکردوون بۆ گەڕاندنەوەی ئاشتیی و سەقامگیری بۆ تورکیا.

لە پەیامەکەی دەمیرتاشدا هاتووە” دەسەڵات کۆنترۆڵی تەواوی دادگاکانی لەژێر دەستە، هەر لە رێگەی دادگاکانەوە هەژموونی خۆی بەسەر تەواوی جومگەکانی دەسەڵات دەسەپێنێت و هەوڵی کپکردنی تەواوی دەنگە ناڕازییەکان دەدات، لە رێگەی دادگاوە توانییان پرسە سیاسییەکان یەکلاییبکەنەوە و دادگا بکەنە کەرەستەی سیاسیی بۆ مەرام و بەرژەوەندی تایبەتی خۆیان، دەسەڵات دیسان لە رێگەی دادگاکانەوە فشاری زۆری خستە سەر هەدەپە و بەردەوامیشە لە فشارەکانی و میدیاکانیشی راسپارد بۆ ئەوەی هەدەپە بەلایەنگری تیرۆر تۆمەتبار بکەن و بەم رێگایەوە خەڵک زیاتر فریو بدات و ئامانج لەم کارەیدا پەرتەوازەکردنی هەدەپەیە، کە دەسەڵات باش دەزانێت لاوازکردنی هەدەپە پەرتەوازە و لاوازکردنی ئۆپۆزسیۆن دەبێت”.

پەیامەکەی دەمیرتاش لەلایەن مەحەمەد روشتو تریاکی، پەرلەمانتاری هەدەپە ئاراستەی کەمال کڵچدارئۆغڵو، سەرۆکی جەهەپە، ئەحمەد داودئۆغڵو، سەرۆکی پارتی ئایندە، عەلی باباجان، سەرۆکی پارتی دێڤا، تەمەل کارامۆڵڵائۆغڵو، سەرۆکی پارتی سەعادەت، ئەرجومەن ئاکدەنیز، سەرۆکی پارتی رەنجدەرانی تورکیا، ئەرکان باش، سەرۆکی پارتی کرێکارانی تورکیا و ئەنجوومەنی سەرکردایەتیی پارتی چەپی تورکیا کراوە.

سەڵاحەدین دەمیرتاش، هاوسەرۆکی پێشووتری هەدەپە بە تۆمەتی هەبوونی پەیوەندی بە پەکەکەو پشتیوانی کردن لێیان، لە 4ی تشرینی دووەمی 2016 ـەوە دەستگیرکراوە و زیاتر لە 4 ساڵە لە گرتووخانەی ئەدیرنەیە.

بەشی بکە لە
Previous Next
Close
Test Caption
Test Description goes like this