ئەمڕۆ رووفاتی 104 قوربانی ئێزیدی بەخاکدەسپێردرێت

0
120
هەڵاتنی هاووڵاتیانی ئێزیدی بەهۆی هێرشی داعشەوە، وێنە: رۆدی سەعید، رۆیتەرز

SNN

بڕیارە ئەمڕۆ شەممە، رووفاتی 104 لە قوربانیانی گوندی کۆجۆ لە رێورەسمێکدا لە زێدی خۆیان بەخاک بسپێردرێت.

رووفاتەکان لە ماوەی رابردوودا گواستراونەتەوە بۆ بەغدا بەمەبەستی لێکۆڵینەوەی ورد لەسەریان لەپێناو ناسینەوەی رووفاتەکان و کۆکردنەوەی بەڵگە لەسەر تاوانەکانی داعش.

ھاوکات لەگەڵ گەڕاندنەوەی رووفاتی ئەو 104 قوربانییە، تیمەکانی ھەڵدانەوەی گۆڕە بەکۆمەڵەکان لە ناوچەکەدا لەسەر ئەرکی خۆیان بۆ دۆزینەوە و دەستنیشانکردنی گۆڕی بە کۆمەڵی دیکە لە ناوچەکەدا و دەرھێنانەوەی قوربانیان، بەردەوامن.

ئەو تیمانە ھەروەھا لە چواچێوەی کارەکانیاندا، دەست دەکەن بە کۆکردنەوەی بەڵگەنامە و ناردنی سامپڵی قوربانیان بۆ ئەوەی بناسرێنەوە.

لە رابردوودا ٢٠ گۆڕی بە کۆمەڵی قوربانیانی ئێزدی لە ناوچەکە دۆزراونەتەوە و رووفاتەکان لە لایەن حکوومەتی فیدڕالەوە بە ھەماھەنگیی لەگەڵ وەزارەتی کاروباری شەھیدانی و ئەنفالکراوان رەوانەی پزیشکی دادی بەغدا کراون.

 

بەشی بکە لە
Previous Next
Close
Test Caption
Test Description goes like this