باڵیۆزخانەی ئەمریکا لەعێراق: دەستبە پرۆسەی وەرگرتنی داواکارانی پەنابەریی دەکەینەوە

0
276

SNN

لەسەر راسپاردەی جۆو بایدن سەرۆکی ئەمریکا رێنمایی دراوەتە وەزارەتی دەرەوە بەوەی دەستبکرێتەوە بە مامەڵەی وەرگرتنی داخوازان بۆ مافی پەنابەریی لە ویلایەتە یەکگرتووەکانی ئەمریکا.

باڵیۆزخانەی ئەمریکا لە بەغدا لە بەیاننامەیەکدا رایگەیاندووە “کار بە بەرنامەی وەرگرتنی هەموو ئەو کەسانە دەکەینەوە کە داوای مافی پەنابەرییان کردووە لە ویلایەتە یەکگرتووەکانی ئەمریکا لە ماوەی چەند مانگ و ساڵی داهاتوودا”.

بەپێی بەیاننامەکە “لایەنی پەیوەندیدار بەم بابەتە هەڵدەستێت بە وردبینیکردن لە دۆسیە کەڵکەبووەکان کە داواکاریی خەڵکە و شەن و کەوی پێویست لەوبارەوە دەکرێت”.

رۆژی 20/1/2017، دۆناڵد ترەمپ وەک سەرۆکی ژمارە 45ـی ئەمریکا دەستبەکار بوو و کەوتە جێبەجێکردنی ئەو بەڵێنانەی، لە هەڵمەتەکانی هەڵبژاردن بە هاووڵاتییانی وڵاتەکەی دابوو.

پێشتر هاووڵاتییانی ژمارەیەک وڵات لە چوونە ناوەوەی ئەمریکا پێویستییان بە وەرگرتنی ڤیزا نەبوو، دۆناڵد ترەمپ بڕیارێکیدا، کە بەهۆیەوە پێویستە هەموو کەسێک لە جیهاندا، بۆ چوونە ناو ئەمریکا، ڤیزا وەربگرێت.

بەپێی بڕیارەکە، وەرگرتنی پەنابەر لە ئەمریکا بۆ ماوەی چوار مانگ وەستێندرا، پێنەدانی ڤیزا بە هاووڵاتییانی عێراق و شەش وڵاتی دیکە

ئەو بڕیارەی دۆناڵد ترەمپ پێدانی ڤیزای ئەمریکای بە هاووڵاتییانی عێراق، ئیران، سووریا، لیبیا، یەمەن، سۆماڵ و سووریا راگرت.

بەشی بکە لە
Previous Next
Close
Test Caption
Test Description goes like this