ئەمڕۆ بەپێی رێنمایی تەندروستیی پرۆسەی خوێندن لە هەرێمی کوردستان دەستیپێکردەوە

0
233

SNN

ئەمڕۆ یەکشەممە لە هەرێمی کوردستان پرۆسەی خوێندن بۆ ئەو قۆناغانە دەستیپێکردەوە کە پێشتر بەهۆی کۆرۆناوە دەوامیان راگیرابوو.

هەفتەی رابردوو وەزارەتی پەروەردە بڕیاریدا ئەمڕۆ یەکشەممە دەوامی خوێندن دەستپێبکاتەوە، ئەمڕۆش بە رێنمایی وەزارەتی تەندروستی بەوەی دەبێت مامۆستا و خوێندکارەکان دەمامک بەکاربهێنن، بە جۆرێک قوتابیانی پۆلی یەک تاوەکو پێنج “دەمامکی پەڕۆ” و پۆلی شەشی بنەڕەتی و شەشی ئامادەیی “دەمامکی گەوران” بەکاربهێنن، خوێندن دەستیپێکردەوە.

رۆژی 3ی ئەم مانگە ئالان حەمە سەعید وەزیری پەروەردەی هەرێم وتی: “تەنها 43 مامۆستا و خوێندکار تووشی کۆرۆنا بوون لە ماوەی 16 رۆژدا لە کۆی 129 هەزار خوێندکار و مامۆستا و ئەم 16 رۆژەی داهاتوو هەڵسەنگاندن بۆ دۆخەکە دەکەینەوە”.

ئەوەشی خستەڕوو “گەر ئامارەکانی کۆرۆنا زیادی کردەوە، پێشنیاز دەکەم جارێکی دیکە خوێندن رابگیرێتەوە، ئاماژەی بەوەشکرد “هەر قۆناغێک لە ماوەی هەفتەیەکدا تەنیا 3 رۆژ دەوامدەکەن”.

لیژنەیەک پێکهێنراوە بۆ بەدواداچوون و چاودێریکردنی رەوشی کۆرۆنا لە قوتابخانەکان کە دەبێت کارمەندێکی تەندروستی لەنێویاندا بێت، مامۆستاکان پابەند دەکرێن بە بەکارهێنانی دەمامک، ئەگەریش مامۆستایەک تووشی کۆرۆنا بوو رەوانەی ماڵەوە دەکرێت و دوای هێنانی راپۆرتی چاکبوونەوە دەست بە دەوام دەکاتەوە.

بەشی بکە لە
Previous Next
Close
Test Caption
Test Description goes like this