لە سلێمانى بەندکراوێک بە لفکە خۆى خنکاند

0
532

SNN

وتەبێژى پۆلیسى سلێمانى رایگەیاند “یەکێک لە بەندکراوانى بەڕێوبەرایەتى گرتن و گواستنەوەى سلێمانى بەیانى ئەمڕۆ دووشەممە لە نێو گەرماوی گرتووخانەکەدا خۆى هەڵواسیوە و کۆتایى بە ژیانى خۆى هێناوە:.

سەرکەوت ئەحمەد، وتەبێژى پۆلیسى سلێمانى بە SNNى راگەیاند”کاتژمێر 8ى بەرەبەیانى ئەمڕۆ بەندکراوێک لە نێو بەڕێوبەرایەتى گرتن و گواستنەوەدا کۆتایى بە ژیانى خۆى هێنا، ئەو بەندکراوە رۆیشتووەتە نێو گەرماوی بەندیخانەکە و لەوێدا لفکەى خۆشۆردنى خستووەتە ملى و خۆى خنکاندووە”.

وتیشى: “ئەو کەسە لە دایکبووى ساڵى 1953 یە و بەپێى ماددەى 405 زیندانی کراوە، کەسێکى بە فیشەک بریندار کردبوو لە رابردوودا و لەسەر میلاکى پۆلیسى دەربەندیخان بوو”.

ئاماژەى بەوەشکرد “هێشتا هۆکارى خۆ خنکانەکەى نازانین و لە ئێستاشدا تەرمەکەى رەوانەى پزیشکى دادى سلێمانى کراوە و پەڕاوى لێکۆڵینەوەش بۆ دۆسیەکەی کراوەتەوە”.

بەشی بکە لە
Previous Next
Close
Test Caption
Test Description goes like this