پێنتاگۆن: چیتر کێڵگە نەوتییەکانی باکووری سوریا ناپارێزین

0
487

SNN

وتەبێژی پێنتاگۆن رایگەیاند: هێزە ئەمنییەکانی ئەمریکا چیتر ئەرکی پاراستنی کێڵگە نەوتییەکانی ئەمریکایان پێڕاناسپێردرێت و سەرنجیان بەتەنیا لەسەر شەڕی داعش دەبێت.
جۆن کێربی وتەبێژی پێنتاگۆن، هەڵوەشاندنەوەی ئەرکێکی سەربازی هێزەکانی ئەمریکای لە رۆژئاوای کوردستان ئاشکراکرد کە پاراستنی ئەو کێڵگە نەوتییانەبوو کە لەژێر کۆنتڕۆڵی هێزەکانی سوریای دیموکراتدان و پێشتر بە فەرمانی دۆناڵد ترەمپ ئەو ئەرکەیان پێسپێردرابوو.
کێربی وتیشی: هێزەکانی ئەمریکا داوایان لێنەکراوە پارێزگاری لە کێڵگەی نەوت بکەن لە سوریا یاخود پارێزگاری لەو کارمەندانەی کۆمپانیا ئەهلیانە بکەن کە لە سوریا پەرە بە کەرتی نەوت دەدەن.
راشیگەیاند: “ئەوەی گرنگە بزانرێت هێزەکانی ئەمریکا لە سوریا دەمێننەوە بۆ لەناوبردنی پاشماوەکانی داعش”.
لە رابردوودا و لەدوای ئەوەی ترەمپ بڕیاری کشاندنەوەی هێزەکانی ئەمریکایدا لە سوریا، دواتر فەرمانیکرد بە مانەوەی 900 لەو سەربازە ئەمریکیانە لە باکووری سوریا و ئەرکی پاراستنی کێڵگە نەوتییەکانی سوریای پێسپاردن لەپاڵ بەردەوامیدان بە شەڕی دژ بە داعش، لەگەڵ دەستبەکاربوونی جۆو بایدن ئەو بڕیارە هەڵوەشایەوە.

بەشی بکە لە
Previous Next
Close
Test Caption
Test Description goes like this