وتەبێژی حکومەتی عێراق: بەمنزیکانە پشکی هەرێم لە بودجەی گشتی یەکلا دەبێتەوە
لۆگۆى حكومه‌تى عێراق و حكومه‌تى هه‌رێم | فۆتۆ: SNN
SNN
وته‌بێژی حكومه‌تی عێراق، له‌باره‌ی به‌شه‌بودجه‌ی هه‌رێمی كوردستانه‌وه دەڵێت: “بەمنزیکانە مشتومڕی بەشە بودجەی هەرێمی کوردستان یەکلا دەبێتەوە”.
حه‌سه‌ن نازم له كۆنگره‌یه‌كی رۆژنامه‌وانیدا، ئێوارەی ئەمڕۆ سێشەممە وتی: “لیژنەیەکیان پێکهێناوە لە ئەنجوومەنی وەزیران دیراسەی ئەو هەموارانە دەکات کە پەرلەمانی عێراق لە پرۆژەیاسای بودجەدا ئەنجامیداوە”.
وتیشی: “حكومه‌ت بودجه‌ی هه‌رێمی كوردستانی یه‌كلایی كردوه‌ته‌وه، بەوەی ئێمە پرۆژەیاسای بودجەمان داوەتە پەرلەمان، ئەمەش مانای وایە حکومەت لای خۆیەوە بابەتی هەرێمی کوردستانی یەکلایی کردووەتەوە کە بابەتێکی دیار و زانراوە”.
حه‌سه‌ن نازم ئه‌وه‌شی وت: ئێمه رێككه‌وتنمان له‌گه‌ڵ هه‌رێم كردووه‌و داوای 250 هه‌زار به‌رمیلی رۆژانه‌مان كردووه و پێویستمان پێیه‌تیو قسه‌ی كۆتاییمان كردووه.
له‌باره‌ی چاره‌سه‌ری كێشه‌كانی نێوان هه‌رێم و به‌غدا، وته‌بێژی حكومه‌تیی عێراق رایگه‌یاند: پێموایە چەند رۆژی داهاتوو له‌سه‌ر كێشه‌كانی نێوان هه‌رێم و به‌غدا، دیدار و لێکتێگەیشتن دەبێت، ئه‌وه‌ش بە مەبەستی گەیشتن بە رێككه‌وتنی کۆتایی سەبارەت بە بوجه‌ی هەرێمی کوردستان.
پەرەپێدراوە و دروستکراوە