دۆسێیەکی تاوانکاریی لەسەر ترەمپ کرایەوە

0
159

SNN

فەرمانگەی دادیی فۆلتۆن لە ویلایەتی جۆرجیا رایدەگەیەنێت “کەیسێکی تاوانکارییان دژی سەرۆکی پێشووی ئەمریکا کردووتەوە بە تۆمەتی هەوڵدان بۆ هەڵوەشاندنەوەی دەرەنجامی هەڵبژاردنەکانی سەرۆکایەتیی ئەمریکا”.

رۆژنامەی نیویۆرک تایمز بڵاویکردووەتەوە “لە ویلایەتی جۆرجیا دۆناڵد ترەمپ سەرۆکی ئەمریکا هەوڵیداوە ئەنجامی هەڵبژاردنە ناوخۆییەکەی ئەو ویلایەتە بگۆڕێت یان هەڵیبووەشێنێتەوە”.

فانی ویلیس داواکاری گشتیی ویلایەتی جۆرجیا کە سەر بە پارتەکەی بایدن سەرۆکی ئێستای ئەمریکایە و بەمزووانە دامەزراوە، دەڵێت: “ترەمپ بە تەلەفۆن لەکاتی هەڵبژاردنەکەدا لەگەڵ براد رافێنسپرێگەر سکرتێری ویلایەتەکە قسەی کردووە و هەوڵی گۆڕینی ئەنجامەکانیانداوە”.

جۆرجیا دوای ویلایەتی نیویۆرک دووەم ویلایەتە کە دەیەوێت دۆسێی لێکۆڵینەوە دژی ترەمپ بکاتەوە و هەوڵی دادگاییکردنی سەرۆکی پێشووی ئەمریکا بدات.

رۆژی 12ی مانگی 11ی ساڵی پار براد رافێنسپرێگەر، سکرتێری ویلایەتی جۆرجیا رایگەیاند، دەیانەوێت دەست بە ژماردنەوەی دەنگەکان بکەن و چاوەڕێدەکەن تاوەکو 20ی هەمان مانگ بەردەوامبێت.

لە کۆی نزیکەی پێنج ملیۆن دەنگی ویلایەتەکە، جۆ بایدن بە جیاوازی 14 هەزار دەنگ لە پێش دۆناڵد ترەمپەوە بوو.

لە پڕۆسەی ژماردنەوەی بەدەستدا، سەرەتا دەنگەکان بە دەست جیاکرانەوە و دواتر دەنگەکانی هەر بەربژێرێک بە ئامێرهەژماردنی بۆ کرایەوە.

دۆناڵد ترەمپ 217 خاڵی ئەنجوومەنی هەڵبژاردنی بەدەستهێنا، لە کاتێکدا جۆ بایدنی رکاربەری 290 خاڵی هەبوو و بەم ئەنجامە بایدن بووە سەرۆکی هەڵبژێردراوی ئەمریکا.

لەو کاتەدا ترەمپ سکاڵاکانی لەسەر ئەنجامی دەنگەکانی ویلایەتەکانی جۆرجیا، پێنسلڤانیا و ئەریزۆنا چڕکردەوە و مەرامی بوو 47 خاڵەکانی ئەو سێ ویلایەتە لە بایدن وەرگرێتەوە و لەگەڵ 15 خاڵەکەی کارۆلاینای باکوور کۆی خاڵەکانی بۆ 279 بەرز بکاتەوە.

رۆژی 20ی مانگی یەکی ئەمساڵ جۆ بایدن لە کۆنگرێسی ئەمریکا سوێندی یاسایی خوارد و بەشێوەیەکی فەرمی بووە 46ـەمین سەرۆکی وڵاتەکەی.

بەشی بکە لە
Previous Next
Close
Test Caption
Test Description goes like this