وتەبێژی پارتی: هیچ پەیوەندیمان بە شەڕی تورکیا و پەکەکەوە نییە

0
141

SNN

وتەبێژی پارتی دیموکراتی کوردستان لەبارەی گرژی و پێكدادانی نێوان چەكدارانی پەكەكە و سوپای توركیا، دەڵێت “جەخت لەوە دەكەینەوە كە پارتی هیچ پەیوەندیی بە ناكۆكی و گرژییەكانی نێوان پەکەکە و تورکیاوە نییە”.

دەشڵێت “ئەوە پەكەكەیە كە دەستی سوپای توركیای ڕاكێشاوەتە ناو هەرێم و ئاڵۆزی و تێكدان و ناسەقامگیری بۆ هەرێم گواستووەتەوە”.

وتەبێژی رەسمی پارتی راشیدەگەیەنێت “پەكەكە شەڕی توركیای لەناو خاكی توركیادا نەكردووە و بەردەوام لە هەڵاتندایە و خەڵكی تر بە دوای خۆیدا ڕادەكێشێت، پارتی چ تاوانێكی كردووە؟”.

ئاماژە بەوەشدەکات “پارتی پەیوەندیی بەم شەڕانەوە نییە و هیچ ڕێگەشی لە پەکەکە نەگرتووە كە شەڕ بكات یان نا. کە شەڕیان پێ ناکرێ و هەر لە هەڵاتندان هیچ خەتای پارتی نییە و با واز لەو تۆمەتە بێ بنەمایانە بهێنن، پەکەکە خۆی باش دەزانێ کە ئەگەر پارتی بە ڕاستی دەستی لەو شەڕانەدا هەبووایە، پەکەکە لە دۆخێکی خراپتردا دەبوو”.

وتەبێژی پارتی دیموکراتی کوردستان لە روونکردنەوەکەدا دەڵێت: “پێمانوایە باشترین چارەسەری بۆ ئەو ناسەقامگیرییە ئەوەیە كە پەكەكە بەڵای خۆی لە كۆڵی هەرێمی كوردستان بكاتەوە و چیتر نەبێتە هۆی ناسەقامگیری و تێكدانی ژیانی هاووڵاتیانی هەرێم”.

پێشتر کەجەکە لە بەیاننامەیەکیدا پارتی دیموکراتی کوردستانی بە هاوکاریکردنی سوپای تورک تۆمەتبار کردبوو بۆ جەنگ دژی هێزەکانی پەکەکە.

بەشی بکە لە
Previous Next
Close
Test Caption
Test Description goes like this