ئەمڕۆ عێراق بڕیار لە قەدەغەکردنی هاتووچۆ دەداتەوە

0
247

SNN

شانەی قەیرانەکانی سەربە ئەنجوومەنی نوێنەرانی عێراق رایگەیاندووە “ئەمڕۆ شەممە لیژنەی باڵای تەندروستی و سەلامەتیی نیشتمانیی تاوتوێی هەڵپەساردنی دەوامی خوێندنگەکان و فەرمانگە و زانکۆکان دەکاتەوە لە عێراق”.

جەواد مووسەوی، جێگری سەرۆکی شانەی قەیرانەکان لە ئەنجوومەنی نوێنەرانی عێراق ئاماژەی بەوەداوە “رەنگە بڕیار لەسەر داخستنی دەوامی قوتابخانە و زانکۆکان بدرێت بۆ ماوەی دوو هەفتە و تەنیا لەڕێگەی ئۆنلاینەوە وانە بخوێندرێت”.

وتیشی: “لیژنەكە پێشنیازی گەڕانەوەشی بۆ قەدەغەی هاتوچۆی سنووردار و كەمكردنەوەی دەوامی فەرمانگەکان بۆ نیوە کردووە بەهۆی زیادبوونی رێژەی تووشبوون بە کۆرۆنا”.

پێشتر شانەی باڵای بەرەنگاربوونەوەی قەیرانی پەتای کۆرۆنا کە سەر بە پەرلەمانی عێراقە رایگەیاندبوو، لە ماوەی 10 رۆژی رابردوودا ژمارەی تووشبووان بە ڤایرۆسی کۆرۆنا لە عێراق لە 500 تووشبووی رۆژانەوە گەیشتووەتە زیاتر لە 2500 تووشبوو، بۆیە رەنگە لەو ناوچانەی تووشبوویان زۆرە هاتووچۆ  قەدەخە بکرێت.

تائێستا 639 هەزار و 438 کەس لە عێراق و هەرێمی کوردستان تووشی کۆرۆنا بوون، 604 هەزار و 822 لەو تووشبووانە چاکبوونەتەوە، واتا 94.6%ـی تێکڕای تووشبووان. هەروەها 21 هەزار و 459 تووشبووی کۆرۆنا هێشتا چارەسەر وەردەگرن، 259 لەو تووشبووانە لەژێر چاودێریی چڕدان، 13 هەزار و 157 تووشبووی کۆرۆناش مردوون.

بەشی بکە لە
Previous Next
Close
Test Caption
Test Description goes like this