مەسرور بارزانی: داوامکردووە ژوورێکی نوێنەرانی گەنجان و حکومەت پێکبهێنرێت

0
363

SNN

پێنجەمین کۆنفرانسی تێدێکس نیشتمان ئەمڕۆ لە هەولێر بە بەشداریی مەسرور بارزانی، سەرۆکی حکومەت دەستیپێکرد. سەرۆکی حکومەت لە کۆنفرانسەکەدا رووی کردە گەنجان و رێکخەرانی کۆنفرانسەکە و رایگەیاند “من بۆ پشتیوانیی ئێوە هاتووم“.

لە ئیڤێنتی ساڵانەی تیدێکس نیشتمان مەسرور بارزانی سەرۆکی حکومەتی هەرێمی کوردستان رایگەیاند “لەمڕۆ بەدواوە دەمانەوێت پەیوەندییەکی باشتر لەنێوان حکومەت و گەنجاندا دروستبکەین”.

وتیشی: “نەوەی ئەمڕۆ و لاوانی ئێستا بەختەوەرن کە ئاوارەیی و دەربەدەری و دوور وڵاتییان بینیوە، بەڵام لەسەریانە ئەم ئەزموونەی ئێستا هاتووەتە ئاراوە بیپارێزن”.

سەرۆکی حکومەتی هەرێمی کوردستان لە وتارێکیدا لە ئیڤێنتەکەدا راشیگەیاند “ئارینی کوڕم پێمدەڵێت بیروبۆچوونی ئێستای گەنجان و بیرکردنەوەیان جیاوازە”.

ئاماژەی بەوەشدا کە نابێت لەمەولا پشت بە دامەزراندنی گەنجان لە کەرتی گشتیدا ببەستین و پێویستە کەرتی تایبەتیش پەرەی پێبدرێت و نابێت بۆشایی نێوان گەنجان و حکومەت بمێنێت.

وتیشی: “دەمەوێت گوێم لە گەنجان بێت و ژوورێکی نوێنەرانی گەنجان دروستبکرێت و لەڕێگەیانەوە دید و پێشنیارەکانیان بگات بە نووسینگەکەم”.

بەشی بکە لە
Previous Next
Close
Test Caption
Test Description goes like this