چێشتخانەکەی بوراک لە دوبەی داخرا

0
3371

SNN

رۆژنامەی زەمان-ی تورکی ئەمڕۆ دووشەممە بڵاویکردەوە “دەسەڵاتدارانی ئیمارات لقی شاری دوبەی-ی چێشتخانەکەی شێفی بەناوبانگی تورکی (بوراک ئۆزدەمیر)یان داخستووە”.

رۆژنامەی زەمانی تورکی ئەوەشی بڵاوکردووەتەوە “چێشتخانەکەی بوراک پابەند نەبووە بە رێوشوێنەکانی خۆپارێزیی لە ڤایرۆسی کۆرۆنا”.

شێف بوراک تائێستا هیچ لێدوان و قسەیەکی لەسەر ئەو رووداوە نەداوە کە چێشتخانەیەکی بەناوبانگی لە شاری دوبەی هەیە بەناوی (CZN Burak).

شێف بوراک ماوەیەکی کەمە لقی چێشتخانەکەی لە دوبەی کردووەتەوە و پێشوازییەکی گەرمی لێکراوە لەلایەن خەڵکەوە، بەتایبەت دوای ئەوەی لە تاوەری خەلیفەوە ریکلامێکی گەورەی بۆ کرا.

بوراک ئوزدەمیر ساڵی 1994 لە پارێزگای هاتای لەدایکبووە و بە رەچەڵەک عەرەبە، زمانەکانی کوردی و عەرەبی و تورکی و ئینگلیزی دەزانێت و شێفێکی ناودارە و ساڵانە ئەستێرە ناودارەکانی دنیا دەچنە چێشتخانەکەی.

بەشی بکە لە
Previous Next
Close
Test Caption
Test Description goes like this