“گرژییه‌كانى سه‌ر سنوورى عێراق و توركیا پێویستى به‌ پلانى سه‌ربازى تۆكمه‌ هه‌یه‌”

0
150

SNN
ئه‌ندامێكى ئه‌نجوومه‌نى نوێنه‌رانى عێراق رایده‌گه‌یه‌نێت: دۆخى سه‌ر سنووره‌كانمان پێویستى به‌ چاره‌سه‌رى دیپلۆماسى و سه‌ربازى هه‌یه‌، ده‌شڵێت: “پێویسته‌ سه‌رۆكوه‌زیرانى عێراق رێكارى ده‌ستبه‌جێ بگرێته‌به‌ر”.

ئه‌مڕۆ دووشه‌ممه‌ عه‌باس یابر عه‌تافى، ئه‌ندامى ئه‌نجوومه‌نى نوێنه‌رانى عێراق رایگه‌یاند: “ئه‌و دۆخه‌ى كه‌ له‌سه‌ر سنووره‌كانى عێراق و توركیا ده‌گوزه‌رێت دۆخێكى نائاسایی و بێهیواكه‌ره‌، به‌ته‌واوه‌تى ره‌تیده‌كه‌ینه‌وه‌”.

وتیشى: “پێویسته‌ لیژنه‌ى په‌یوه‌ندییه‌كانى ده‌ره‌وه‌ له‌ ئه‌نجوومه‌نى نوێنه‌رانى عێراق، ئه‌نجوومه‌نى وه‌زیران و وه‌زاره‌تى ده‌ره‌وه‌ رێكارى ده‌ستبه‌جێ بگرنه‌به‌ر به‌رامبه‌ر ئه‌و بێڕێزییه‌ى كه‌ به‌رامبه‌رى سه‌روه‌رى خاكى عێراق ده‌كرێت”.

ئه‌و ئه‌ندامه‌ى ئه‌نجوومه‌نى نوێنه‌رانى عێراق ئه‌وه‌شى خسته‌ڕوو: “پێویسته‌ له‌ڕووى دیپلۆماسییه‌وه‌ مسته‌فا كازمى، سه‌رۆكوه‌زیرانى عێراق له‌م كێشه‌یه‌ بكۆڵێته‌وه‌ و چاره‌سه‌رى بكات، هه‌ڵوێست بنوێنێت له‌سه‌ر هه‌ر جۆره‌ پێشێلكاریی و پێكدادانێك له‌سه‌ر خاكى عێراق”.

باسى له‌وه‌شكرد: “پێویسته‌ هاوشانى چاره‌سه‌رى دیپلۆماسى چاره‌سه‌رى سه‌ربازى پته‌وى ئه‌م بابه‌ته‌ش بكرێت، له‌ڕێگه‌ى پلانێكى سه‌ربازى تایبه‌ته‌وه‌، هاوكات گرنگیشه‌ فشارێكى سیاسى دروستبكرێت بۆ یه‌كهه‌ڵوێستبوون له‌ ناوخۆى عێراقدا له‌سه‌ر ئه‌م بابه‌ته‌”.

 

بەشی بکە لە
Previous Next
Close
Test Caption
Test Description goes like this