وەزیری کارەبا “بەهای دۆلار کەمبکرێتەوە کرێی کارەباش کەمدەبێت”

0
174

SNN

وەزیری کارەبای هەرێم رایگەیاند: بەرزبوونەوەی کرێی کارەبا پەیوەندی بە بەرزبوونەوەی نرخی دۆلارەوە هەیە و هەرکاتێک بانکی ناوەندی بەهای دۆلاری کەمکردەوە کرێی کارەبا کەمدەبێتەوە.

کەمال محەمەد وەزیری کارەبای هەرێم ئەمڕۆ لە کۆنفرانسێکی رۆژنامەوانیدا وتی: “بەراورد بە ساڵی رابردوو رێژەی پێدانی کارەبا زیادیکردووە و رۆژانە زیاتر لە 17 کاتژمێر کارەبا بە هاووڵاتیان دەدەین،

دواتر وه‌زیری كاره‌با تیشكی خسته‌ سه‌ر دۆخی كاره‌بای كوردستان و روونی كرده‌وه‌ كه‌ ره‌وشی كاره‌با له‌م ساڵدا به‌راورد به‌ساڵانی رابردوو زۆر باش بووه‌و ئاماژه‌ی بۆ ئه‌وه‌شكرد كه‌ سه‌رۆكی حكومه‌ت و جێگری سه‌رۆكی حكومه‌ت هه‌میشه‌ هاوكار و پشتیوای وه‌زاره‌تی كاره‌با بوون، ساڵی رابردوو له‌بواری دابه‌شكردندا به‌به‌های 40 ملیار دینار پرۆژه‌ جێبه‌جێ كراوه‌و هه‌روه‌ها به‌سوپاسه‌وه‌ ره‌زامه‌ندی نیشاندانه‌وه‌ له‌سه‌ر خه‌رج كردنی بری 44 ملیار دینار بۆ جێبه‌جێكردنی دوو پرۆژه‌ی ستراتیژی گواستنه‌وه‌ی وزه‌ی كاره‌با له‌سنووری پارێزگای سلێمانی و هه‌روه‌ك وتیشی: هه‌میشه‌ هاوكارو پشتیوانی به‌رێوه‌به‌رایه‌تی گشتی كاره‌بای سلێمانی ده‌بین.

سەبارەت بە پێدانی دابەشکردنی کارەبا بە کەرتی تایبەت، ناوبراو رایگەیاند: “داوا لە هاووڵاتیان دەکەین کە نیگەران نەبن لە ئەگەری پێدانی دابەشکردنی کارەبا بە کەرتی تایبەت، لە ئێستادا زیاتر لە 80 لە سەدی کارەبا لە دەستی کەرتی تایبەتدایە و گرفتێکی ئەوتۆی دروستنەکردووە”.

ئەمە لەکاتێکدایە دوێنێ کامیل قەزاز لە چاوپێکەوتنێکیدا لەگەل دەنگی ئەمریکا وتی: “لەدیراسەداین دابەشکردنی کارەبای هەرێم بدەین بەکەرتی تایبەت ئەمەش زۆر كاریگه‌ری ده‌بێت له‌سه‌ر دۆخی كاره‌با، چونکە نزیكه‌ی ده‌توانم بڵێم لە 25% ی كاره‌با به‌هه‌ده‌ر ده‌چێت ئه‌و به‌هه‌ده‌رچوونه‌ كۆده‌كاته‌وه‌ تەنانەت کاریگەری دەبێت لەسەر زیادبوونی ژماره‌ی پێدانی کاتژمێرەکانی كاره‌بای نیشتمانی”.

بەشی بکە لە
Previous Next
Close
Test Caption
Test Description goes like this