بەرپرسیاری هێرشەکەی سەر شاری هەولێر ئاشکرا بوو

0
2585

SNN

گرووپێک کە ناوی خۆی ناو ناوە (سرايا أولياء الدم) بەرپرسیارێتیی خۆی لە هێرشەکەی دوێنێشەوی سەر شاری هەولێر راگەیاند و دەلێت: “7 کیلۆمەتر لە بنکەی سەربازیی هەریر-ەوە دوور بووین کە ئەمریکییەکانی لێن”.

گرووپەکە کە راگەیەنراوی دووەمە دوای هێرشەکە بڵاویدەکاتەوە، ئاماژەی بەوە کردووە “لەناو خاکی هەرێمی کوردستان و بەتایبەتی هەولێر مووشەکیان هەڵگرتووە و هەرکاتێک ویستیان دەتوانن بەکاریبهێنن”.

ئەوەشیان ئاشکرا کردووە “کە شەوی رابردوو 24 مووشەکیان ئاراستەی چەند ئامانجێک کردووە لەناو شاری هەولێر و بەوتەی خۆیان “سیستمی CRAM کە دژە مووشەکە شکستیهێناوە لە رێ لێگرتنیان”.

گرووپەکە باسی ئەوەشیکردووە کە “لە هەرێمی کوردستانی خۆشەویست لە بنکەی سەربازیی حەریر نزیکبووبووینەوە بە دووریی 7 کیلۆمەتر”.

شەوی دووشەممە 2021/02/15  بە چەند مووشەکێک هێرش کرایە سەر شاری هەولێر و دەوروبەری لەناویاندا فڕۆکەخانەی نێودەوڵەتیی هەولێر.

وەزارەتی ناوخۆی هەرێمی کوردستان ئەمڕۆ سێشەممە راگەیێندراوێکی لەبارەی هێرشەکەوە بڵاوکردەوە و رایگەیاند، “شەوی رابردوو چەند مووشەکێک بەر فڕۆکەخانەی نێودەوڵەتیی هەولێر و چەند گەڕەکێکی شاری هەولێر کەوتن، لەنێو فڕۆکەخانەکە کەسێک گیانی لە دەستدا و پێنج کەسی دیکەش بریندار بوون. هەروەها لەنێو شاری هەولێریش سێ کەسی دیکە بریندار بوون.”

هاوکات شەوی رابردوو واین مۆرۆتۆ، وته‌بێژى هاوپه‌یمانى نێوده‌وڵه‌تى دژى داعش له‌ هه‌ژمارى تایبه‌تى خۆى له‌ تۆڕى كۆمه‌ڵایه‌تى تویته‌ر رایگه‌یاند: “به‌هۆى هێرشه‌ مووشه‌كییه‌كانى هه‌ولێره‌وه‌ كارمه‌ندێكى به‌ڵێنده‌رى سڤیلمان كوژرا و پێنج به‌ڵێنده‌رى تریشمان برینداربوون، ئه‌مه‌ سه‌ره‌ڕاى برینداربوونى سه‌ربازێكى ئه‌مریكا”.

بەشی بکە لە
Previous Next
Close
Test Caption
Test Description goes like this