هەناردەی نەوتی ئێران بۆ کەمترین ئاستی دابەزیووە

0
429

ئاژانسی هەواڵی رۆیتەرز بڵاویکردەوە، بەهۆی پەتای کۆرۆنا و کاریگەرییەکانی سزاکانی ئەمریکا بۆ سەر ئێران، هەناردەکردنی نەوتی ئێران بۆ کەمترین ئاستی لە ماوەی 10 ساڵی رابردوودا دابەزیووە.

رۆیتەرز ئاماژە بەوەدەکات، لە مانگی نیسانی رابردوودا ئێران تێکڕا 70 هەزار بەرمیل نەوتی لە رۆژێکدا هەناردە کردووە، لە کاتێکدا لە مانگی نیساندا 287 هەزار بەرمیل نەوتی لە رۆژێکدا هەناردەکردبوو.

دانیاڵ گێربەر بەرێوەبەری جێبەجێکاری ناوەندی پێترۆ لۆجیستیکس، رایگەیاندووە: “کەمبوونەوەی ئاستی هەناردەی نەوتی ئێران بەهۆی کەمبوونەوەی خواستی چینە لەسەر نەوتی ئەو وڵاتە”.

ئاماژەی بەوەشکردووە: “لە مانگی ئایاریشدا ئاستی هەناردەی نەوتی ئێران بە کەمی ماوەتەوە”.

سارا ڤاخشۆری پسپۆڕی بواری نەوت کە لە کۆمپانیای راوێژکاری ئێس ڤی بی، تایبەت بە بواری وزەی نێودەڵەتی کاردەکات، رایگەیاندووە: “ئەگەر شایستە داراییەکانی بەرهەمهێنانی نەوت لەو بڕە داهاتە دەربکەین کە ئێران لە ئەنجامی هەناردەکردنی نەوت قازانجی کردووە، دەبینین لە ماوەی ئەم مانگ و نیوەدا قازانجێکی ئەوتۆی نەکردووە”.

ئەمەش لەکاتێکدایە، لە ماوەی چەند مانگی رابردوودا، بەهۆی بڵاوبوونەوەی کۆرۆنا و راگرتنی کەرتی پیشەسازی لە زۆرێک لە وڵاتان، نرخی نەوتی خاوی برێنت بە ڕێژەی 10% کەمبووەوە.

بەشی بکە لە
Previous Next
Close
Test Caption
Test Description goes like this