کۆمسیۆن بەنیازە نیو ملیۆن کارمەند بۆ هەڵبژاردنەکان بخاتە سەرکار

0
191

SNN

کۆمسیۆنی باڵای سەربەخۆی هەڵبژاردنەکانی عێڕاق، بەدواداچوون بۆ ئەوە دەکات کە نیو ملیۆن کارمەند بۆ کاتی هەڵبژاردنەکانی 10 تشرینی یەکەمی ئەمساڵ ئامادە بکات و رێژەی ئەو شایستەیەش دیاری بکات بە دواتر پێیان دەدات.

جەلیل عەدنان خەڵەف، سەرۆکی لیژنەی هەڵبژاردنەکان لە کۆمسیۆن، رایگەیاند: کۆمسیۆنی سەربەخۆی هەڵبژاردنەکانی عێراق بەپێی ئەو بەدواداچوونەی کە کردوویەتی بۆ کاتی هەڵبژاردنەکان پێوستی بە 400 بۆ 500 هەزار کارمەندە بۆ کاتی هەڵبژاردنەکان و بۆ ئەم پرۆسەیەش کۆمسیۆن پێویستی بە 50 ملیار دینار هەیە کە وەک پارەی گرێبەست بیدات بەو کارمەندانە.

خەڵەف ئەوەشی وت” کۆمسیۆن پێویستی بەوەیە کە ئەو کەسانە ئەکادیمی بن و تا ڕادەیەک لە بوارەکە شارەزابن، بۆ چاودێریکردنی هەڵبژاردنەکان، لەگەڵ ئەوەشدا ئەو پارەیەی کە لە ساڵانی رابردوودا دەردا بە کاندیدەکانی هەڵبژاردن لە پێنج ملیۆن دینارەوە کەمکراوەتەوە بۆ یەک ملیۆن دینار، بەمەش بودجەیەکی زۆر دەگەرێتەوە بۆ کۆمسیۆنی باڵای هەڵبژاردنەکانی عێراق بە گشتی و بودجەی عێراق بە تایبەتی”.

بەشی بکە لە
Previous Next
Close
Test Caption
Test Description goes like this