حاکم رزگار: دادگای پێداچوونەوە دەتوانێت چالاکوانەکان ئازاد بکات
حاکم رزگار
SNN
حاکم ڕزگار محەمەد ئەمین ئەندامی دادگای پێداچوونەوەی هەرێمی کوردستان دەڵێت: “دادگای پێداچوونەوە دەتوانێت بڕیاری سزادانی چالاکوانانی بادینان هەڵبوەشێنێتەوە” دەشڵێت: “ئه‌نجوومه‌نی دادوه‌ری مافیان نییه قسه بكه‌ن له‌سه‌ر كێشه‌كه”.
دادوەر ڕزگار محەمەد ئەمین بۆ دەنگی ئەمریکا رایگەیاندووە “هیچ کەس و لایەنێکی دادوەری مافی ئەوەی نییە نە بەباش یاخود پێچەوانە قسە لەسەر دۆسێیەک بکات کە هێشتا نەیبینووە و کاری ئەو نەبێت، چونکە ئەوە کاری دادگای پێداچوونەوەیە پاش بینینی دۆسیەکە کەهێشتا نەیبینیوە”.
دوێنێ چوارشەممە ئەنجومەنی دادوەری هەرێمی کوردستان لەبەیاننامەیەکدا وەڵامی ڕەخنەکانی ڕای گشتی دایەوە سەبارەت بە بڕیاردانی شەش ساڵ زیندانی کردن بۆ چالاکوانان و ڕۆژنامەوانانی بادینان لەدادگای تاوانەکانی هەولێر، ئەنجومەنی دادوەری ڕایگەیاند” پڕۆسەی دادگایی کردنەکە بەشێوازێکی شەفافانە بەڕێوەچووە.”
حاکم ڕزگار دەڵێت”ئه‌نجوومه‌نی دادوه‌ری مافی ئه‌وه‌ی نییه قسه بكات له‌سه‌رئه‌وه‌ی كه ئه‌م بڕیاره یاساییه یان نایاساییه، ئه‌نجوومه‌نی دادوه‌ری جیهه‌تێكی ئیدارییه ناتوانێت بڵێت ئه‌م بڕیاره دروسته یان دروست نییه، دادگای ته‌میز به‌ته‌نها ئه‌و مافەی هه‌یه بڵێت ئه‌م بڕیاره بڕیارێكی دروست و قانونیەی و به‌شێوه‌یه‌كی ڕێكوپێك ده‌رچووه یان ده‌رنه‌چووه.”
وتیشی: “هه‌ڵه‌یه‌كی گه‌وره‌یه له‌لایه‌ن هه‌ر لایه‌نێكی تره‌وه كه‌ئێستا بڕیار بدات به‌وه‌ی كه ئه‌م بڕیاره بڕیارێكی دروسته یان بڕیارێكی هه‌ڵه‌یه ئێستا کاتی ئه‌وه نییه.”
ڕاشیگەیاند “بێگومان دادگای پێداچوونەوە ده‌توانێت دوای پێداچوونەوە یه‌كسه‌ر سه‌یری ئه‌و بڕیاره بكات و ئه‌گه‌ر یاسایی نه‌بوو ده‌توانن ئه‌و تۆمه‌تبارانه له‌دادگای ته‌میز-پێداچوونەوەوە ئازاد بكه‌ن.”
پەرەپێدراوە و دروستکراوە