سزای 2 جار لەسێدارەدان بۆ ئەو ژنە دەرچوو کە 2 منداڵی لە پردێکەوە فڕێدایە خوار

0
373

SNN

دادگای باڵای کەرخی شاری بەغدا سزای 2 جار لەسێدارەدانی بە خنکاندن بۆ ئەو ژنە دەرکرد کە منداڵەکانی لەسەر پردی ئەئیمەوە لە شاری بەغدا فڕێدایە ناو رووباری دیجلەوە.

رۆژی 18ی مانگی 10ی ساڵی پار دایکێک لەسەر پردی “ئەئیمە” لە بەغدای پایتەخت دوو منداڵی خۆی فڕێدایە ناو رووباری دیجلەوە و دەوترا بەھۆی کێشە و گرفتی دایکەکە لەگەڵ ھاوسەرەکەی بووە.

لەگەڵ بڵاوکردنەوەی گرتە ڤیدیۆیەکەی ساتی فڕێدانی منداڵەکانی، چالاکوانانی مافەکانی مرۆڤ داوایان لەدەسەڵاتداران کرد ھەرچی زووە ئەو دایکە تاوانبارە دەستگیربکەن و ببرێتە بەردەم دادگا.

ھاوکات پۆلیسی بەغدا رایگەیاند، کە توانیویانە ئەو دایکە بدۆزنەوە و دەستگیری بکەن و لێکۆڵینەوەکان لەگەڵی دەستیپێکردووە و دانی بە تاوانەکەیدا ناوە و وتویەتی، کە بەھۆی بوونی کێشە لەگەڵ ھاوژینەکەی پێشووی ئەم کارەی ئەنجامداوە.

پردی ئەئیمە ھەردوو بەری کازمیە و ئەعزەمیە لەسەر رووباری دیجلە بەیەکەوە دەبەستێتەوە تەواوی سەر پردەکە بە کامێرای چاودێری کۆنترۆڵکراوە و ئەوەش بووەھۆی ئەوەی بتوانن ئەو ئافرەتە بناسنەوە و دەستگیری بکەن.

 

بەشی بکە لە
Previous Next
Close
Test Caption
Test Description goes like this