گۆڕانكارى له پرۆژه‌یاساى بودجه‌ى عێراقدا ده‌كرێت
لۆگۆى حكومه‌تى عێراق و یه‌كێك له كۆبوونه‌وه‌كانى ئه‌نجوومه‌نى وه‌زیرانى عێراق | فۆتۆ: SNN
SNN
راوێژكاری دارایی سه‌رۆكوه‌زیرانى عێراق رایده‌گه‌یه‌نێت: وه‌زاره‌تى دارایی به‌نیازه گۆڕانكارى له پرۆژه‌یاساى بودجه‌دا بكات، ده‌شڵێت: “گۆڕانكارییه‌كه به‌پێى یاساى به‌ڕێوه‌ردنى دارایی ده‌بێت”.
ئه‌مڕۆ پێنجشه‌ممه مه‌زهه‌ر محه‌مه‌د، راوێژكاریی دارایی مسته‌فا كازمى، سه‌رۆكوه‌زیرانى عێراق رایگه‌یاند: “وه‌زاره‌تى دارایی عێراق به‌نیازه به‌پێى یاسای به‌ڕێوه‌بردنى دارایی عێراق گۆڕانكارى له پرۆژه‌یاساى بودجه‌ى عێراقدا بكات”.
ده‌شڵێت: “گۆڕانكارییه‌كان له ئێستادا له به‌رده‌ستى حكومه‌تى عێراقدان، به‌نیازن ئه‌نجام بدرێن پێش ئه‌وه‌ى پرۆژه‌یاساكه بخرێته به‌رده‌م په‌رله‌مانى عێراق بۆ ده‌نگدان له‌سه‌رى”.
راوێژكاره‌كه‌ى مسته‌فا كازمى ئاماژه به‌وه‌شده‌كات: “له ئێستادا عێراق هاوكارییه‌كى باشكراوه له‌لایه‌ن كۆمه‌ڵگه‌ى نێوده‌وڵه‌تییه‌وه له‌ڕووى داراییه‌وه بۆ رووبه‌ڕووبوونه‌وه‌ى قه‌یرانى دارایی و قه‌یرانى ڤایرۆسى كۆرۆنا”.
پەرەپێدراوە و دروستکراوە