میدیایەکی ئەمریکی زانیاری نوێ لەسەر هێرشەکەی هەولێر ئاشکرادەکات

0
707

SNN

بەگوێرەی بەدواداچوونێکی ماڵپەڕی حوڕەی ئەمریکی، هێرشە مووشەکیەکەی نزیک فڕۆکەخانەی هەولێر لەلایەن گروپی سەرایا ئەوەلیائلدەم ئەنجامدراوە بەڵام بە چاودێری گروپی حزبوڵا بووە.

ماڵپەڕەکە باس لەوەدەکات، گروپی سەرایا ئەوەلیائلدەم نزیکە لە حزبوڵاوە و چەکدارەکانی ئەو گروپە راهێنانیان پێکراوە بۆ ئەنجامدانی ئۆپراسیۆنی تایبەت.
بە گوێرەی ئەو زانیارییە هەواڵگریانەی کە دەست ماڵپەڕە ئەمریکیەکە کەوتووە، گروپەکە نزیکەی 150 چەکداری هەیە کە لە کەسانی ئاینی و هەواڵگری و سەربازی پێکهاتوون و تەنانەت پیاوانی ئاینیان لەناودایە.

هاوکات ئەنجومەنی راوێژکاریان هەیە کە لە پێنج ئەندام پێکهاتووە کە ئەوان گروپەکە ئاڕاستەدەکەن بۆ هەر هێرش و چالاکیەک، سەرنجیشیان لەسەر ئەو جۆرە هێرشانەیە کە کاریگەری سیاسی و ئەمنی لەدوای خۆی دروستبکات.

گروپی سەرایا ئەوەلیائلدەم بۆ یەکەمجار لە مانگی تشرینی یەکەمی ساڵی رابردووەوە دەرکەوتن ئەوەش کاتێک دوو هێرشیانکردەسەر سەربازگەی تاجی لە باکووری بەغدا.

بەشی بکە لە
Previous Next
Close
Test Caption
Test Description goes like this