قوباد تاڵەبانی: تا گەیشتن بە ڕێككەوتن كۆبوونەوەكان لەگەڵ بەغدا بەردەوام دەبن
شاندی باڵای دانوستانكاری حكومەتی هەرێم به سه‌رۆكایه‌تى قوباد تاڵەبانی | فۆتۆ: ئه‌ژى عومه‌ر
SNN
قوباد تاڵەبانی جێگری سە‌رۆكی حكومەتی هەرێم دەڵێت: كۆبوونەوەكانیان لە بەغدا بەردەوامدەبن تاكو دەگەنە ڕێككەوتن لەسەر شایستە داراییەكانی هەرێمی كوردستان.
قوباد تاڵەبانی جێگری سە‌رۆكی حكومەت بۆ كوردسات نیوز ڕایگەیاندووە “تا گەیشتن بە ڕێككەوتن لەسەر پشكی هەرێم و شایستە داراییەكان كۆبوونە‌وە‌كانمان لە بەغدا بەردەوام دەبن”.
وتیشی: “بە هە‌موو لایە‌نەكانیان ڕاگە‌یاندووە كە پابە‌ند دەبن بە یاسا و دە‌ستور و ئە‌وە‌ی ئە‌ركی حكومەتی هە‌رێمە جێبە‌جێیدە‌كە‌ن، لە بەرامبەر ئەو پابەندییە دەبێت تەواوی شایستە داراییەكانی هەرێمی كوردستان و مافەكانی مووچەخۆران دابینبكرێت”.
قوباد تاڵەبانی لە بارە‌ی كە‌یسی گیراوانی دهۆك، ڕایگەیاند: ئەو بابەتە پرسێكی یاساییە، بە‌ڵام بە شێوە‌یە‌كی گشتی گومانی لای هاووڵاتیان درووستكردووە و ئە‌وە‌ش دە‌بێتە مایە‌ی لە‌كە‌داركردنی ناو و ناوبانگی هەرێمی كوردستان.
تاڵەبانی داوایکردووە داواكاری گشتی ڕۆڵی خۆی بگێڕێت و لە دادگای پێداچوونەوەشدا بڕیاری دروست بدرێت كە تێیدا سە‌روە‌ری یاسا و ئازادی و دیموكراسی پارێزراو بێت.
پەرەپێدراوە و دروستکراوە