مەرزی حاجی ئۆمەران لەلایەن ئێرانەوە دادەخرێت

0
100

SNN

بەشی راگەیاندنی مەرزی حاجی ئۆمەران رایدەگەیەنێت لەلایەن ئێرانەوە ئاگادارکراونەتەوە بەوەی بۆ ماوەی دوو هەفتە مەرزەکە دادەخرێت.

بەشی راگەیاندن و پەیوەندییەکانی دەروازەی نێودەوڵەتی حاجی ئۆمەران ئەمڕۆ لە راگەیەندراوێکدا بڵاویکردەوە: لایەن ئێرانی بە ئاگاداری ئێمەیان کردووە کە حکومەتی ئێران بڕیاری داوە سبەی ڕۆژی یەک شەممە کاتژمێر (2)ی پاش نیوەڕۆ دەروازەی نێودەوڵەتی حاجی ئۆمەران لە ڕووی گەشتیارییەوە بۆ ماوەی (2) دوو هەفتە دادەخەن.

دەشڵێت: بە تەنیا هاووڵاتیانی هەرێمی کوردستان کە لە ئێرانن دەتوانن بگەڕێنەوە بۆ هەرێمی کوردستان و هاوڵاتیانی ئێرانی کە لە هەرێمی کوردستانن دەتوانن بگەڕێنەوە بۆ وڵاتی خۆیان لە ئێران.

بەهۆی مەترسی کۆرۆناوە لە چەند رۆژی رابردوودا ئێران ژمارەیەک دەروازەی هاوبەشی لەگەڵ عێراق و هەرێم داخست، داخستنەکەش بۆ ماوەیەکی کاتی دەبێت.

بەشی بکە لە
Previous Next
Close
Test Caption
Test Description goes like this