دوای ناتۆ بەریتانیا سەدان سەرباز دەنێرێتە عێراق

0
308

SNN

جگە لە ناتۆ، هاوپەیمانی نێودەوڵەتی دژی داعش لە هەوڵی پەرەپێدانی هێزەكانیان لە عێراقدان و بە نیازن ژمارەی سەربازەكانیان بۆ پێنج هەزار كەس بەرز بكەنەوە، هاوكات ژمارەی سەربازەكانی بەریتانیا نزیكەی سێ هێندە بەرز دەكرێنەوە.

بەپێی سەرچاوەكە، ژمارەی هێزەكانی بەریتانیا تەنیا لە ساڵی 2021 دوو تا سێ هێندە بەرز دەكرێتەوە. لە ساڵی 2003وە تا ئێستە 179 سەربازی بەریتانیا لە عێراق كوژراون، بەگوێرەی “مەردوم” لە ساڵی 2011 هێزەكانی بەریتانیا بە فەرمی لە عێراق كشانەوە و لە چوارچێوەی هاوپەیمانی نێودەوڵەتی دژی داعش، لە ساڵی 2015 بەشێك لە هێزەكانی خۆیان بۆ عێراق و هەرێمی كوردستان گەڕاندەوە.

ریچارد كیمب فەرماندەی پێشووی هێزەكانی بەریتانیا لە ئەفغانستان، پشتیوانی لەوە كردووە هێز رەوانەی عێراق بكرێت و هۆكارەكەشی بۆ ئەو هەڕەشانە گەڕاندووەتەوە كە بۆ سەر هێزەكانی هاوپەیمان و عێراقییەكان زیادی كردووە، بەریتانیا پێداگری لەوە كردووە هەژموونی سەربازی خۆیان لە عێراق زیاد بكەن، چونكە پەرەسەندنی داعش لە عێراق بووەتە هۆی ئەوەی لە ئەوروپا هێرشە تیرۆریستییەكان زیاتر پەرە بستێنن.

بەشی بکە لە
Previous Next
Close
Test Caption
Test Description goes like this