وەزیری ناوخۆی لیبیا لە هەوڵێکی تیرۆر کردن رزگاری بوو

0
289

SNN

چەند سەرچاوەیەکی وەزارەتی ناوخۆی لیبیا ئاشکرایانکرد ئەمڕۆ یەکشەممە فەتحی پاشاغا وەزیری ناوخۆی حکومەتی ویفاقی نیشتمانیی لیبی لە خۆرئاوای تەرابلوس لە هەوڵێکی کوشتن رزگاری بووە.

کاروانی ئۆتۆمبێلەکانی وەزیرە لیبییەکە لەلایەن ئۆتۆمبێلێکەوە رێگەی لێگیراوە و بە هەڵە تەقە لە ئۆتۆمبێلێکی کاروانەکەی دەکرێت و ناوبراو بە سەلامەتی رزگاری دەبێت.

لە ئەنجامی هێرشەکەدا و پاش دروستبوونی تەقە، هێرشکارێک دەکوژرێت و دووانی دیکەیان بە دیلی دەگیرێن لەلایەن پاسەوانانی وەزیرە لیبییەکەوە کە لە بنەڕەتدا هێرشکارەکان 4 چەکدار بوون.

لە ئێستادا لیبیا لە سەرووبەندی پێکهێنانی کابینەی نوێی حکومەتەکەیدایە بەپێی ئەو رەشنووسەی لە لێکگەیشتنی کۆڕبەندی تونسدا هاتە ئاراوە لەنێوان لایەنە ناکۆکەکانی ئەو وڵاتەدا بەچاودێری نەتەوە یەکگرتووەکان.

بەشی بکە لە
Previous Next
Close
Test Caption
Test Description goes like this