بریكاری وەزارەتی ناوخۆ: بۆ چارەسەری مووچەی فەرمانگە فیدراڵییەکان پەیوەندیمان بە قوباد تاڵەبانی کردووە

0
302

SNN

بریكاری وەزارەتی ناوخۆی حكومەتی هەرێمی كوردستان ڕایگەیاند “هەموو لایەنە پەیوەندیدارەكان لەسەر ئاستی باڵا هەوڵی چارەسەركردنی كێشەی مووچەی فەرمانگە فیدراڵییەكان دەدەن”.

ئەمڕۆ یەكشەممە لیوا چەتۆ ساڵح بریكاری وەزارەتی ناوخۆی حكومەتی هەرێمی كوردستان، سەردانی بەڕێوەبەرایەتی نشینگەی پارێزگای سلێمانی كرد.

ئەو بەڕێوەبەرایەتییانە زیاتر لەحەفتا ڕۆژە مووچەیان وەرنەگرتووە، کە بووەتە مایەی ئەوەی بارگرانییەكی زۆر لەسەر ئەفسەران و كارمەندانی سەرجەم بەڕێوەبەرایەتییەكان دروستبكات.

كێشەی مووچە تەنیا لەم مانگەدا سەری هەڵنەداوە، ساڵی ڕابردووش چەندین مووچەی ئەم فەرمانگانە نەدرا، هەروەها لە ساڵی نوێشدا هیچ مووچەیەكیان وەرنەگرتووە.

لیوا چەتۆ ساڵح بریكاری وەزارەتی ناوخۆی حكومەتی هەرێمی كوردستان، ڕایگەیاند” ئێمە هاتووین هەموو پاڵپشتیەكی خۆمانتان بۆ دووپات بكەینەوە، ئەم فەرمانگانە نموونەیی بوون لەكاركردندا، بۆیە پێویستە مووچەكانیان لەكاتی خۆیدا پێبدرێت كە مافێكی سادەی خۆیانە”.

بریكاری وەزارەتی ناوخۆ وتیشی: “هەموو لایەنە پەیوەندیدارەكان لەسەر ئاستی باڵا ئاگاداركراونەتەوە و پەیوەندیمان بە قوباد تاڵەبانی و چەند بەرپرسێکی باڵای ترەوە کردووە و لە هەوڵەكانیشمان بەردەوام دەبین، بۆیە هیواخوازین ئەم كێشەیە بە زووترین كات چارەسەر بكرێت”.

بەشی بکە لە
Previous Next
Close
Test Caption
Test Description goes like this