بەهای بیتکۆین بەرزبوونەوەی بەرچاوی بەخۆیەوە بینی

0
160
بیتکۆین

SNN

بەهای دراوی ئەلیکترۆنی بیتکۆین بەشێوەیەکی بەرچاو بەرزبووەوە، ئەوەش دوای ئەوەی گەورە کۆمپانیاکانی وەک تێسلا پشتیوانییان کرد.

میدیا جیهانییەکان بڵاویانکردەوە، بەهای ئەو دراوە ئەلیکترۆنییە بۆ 58 هەزار دۆلار بەرزبووەتەوە، واتە لە مانگی کانوونی دووەمی رابردووەوە تا ئێستا بەهاکەی %90 بەرزبووەتەوە.

لە ئێستادا بەهای تەواوی ئەو بیتکۆینەی کە هەیە، لە بازاڕدا گەیشتووەتە یەک تریلیۆن دۆلار.

ئەم بەرزبوونەوەیە لە بەهاکەیدا دوای ئەوەدێت تێسلا و چەند کۆمپانیایەکی دیکەی زەبەلاح دانیان بەوەدا ناوە کە دەکرێت بیتکۆین لە مامەڵەکردندا بەکاربهێندرێت وەک هەر دراوێک.

ئەمە یەکەمجار نییە نرخی بیتکۆین بەرزدەبێتەوە، لە ساڵی 2009ەوە چەند جارێک بەرزبوونەوە و نزمبوونەوەی بەرچاوی بەخۆوەبینیوە.

بەشی بکە لە
Previous Next
Close
Test Caption
Test Description goes like this