“یەکێک لە ئامانجەکانی یاسای داواکاری گشتی پاراستنی دەستکەوتەکانی بەعس”ە

0
163

SNN

دادوەرێکی داواکاری گشتیی دەڵێت: “داواکاری گشتی لەهەرێم بە یاسای ساڵی 1979 کاردەکات کە یه‌كێك له ‌ئامانجه‌ گرنگه‌كانی ئه‌و یاسایه‌ ده‌ڵێت “پاراستنی ده‌ستكه‌وته‌كانی شوڕشی به‌عسە”.

د. فەرهاد حاتەم دادوەری داواکاری گشتی لە گفتوگۆیەکیدا لەگەڵ دەنگی ئەمریکا، سەبارەت بەهۆکاری کارا نەبوونی ڕۆڵی داواکاری گشتی لەهەرێمی کوردستان کەوەک هەندێک ڕەخنە لەو دامەزراوەیە دەگرن و بە ناکارا ناوی دەبەن، دەڵێت “من له‌ ساڵی 2006 وه‌ كه‌ دامه‌زاراوم وه‌كو داواكاری گشتی تائیستا له‌ هه‌وڵداین ده‌زگای داواكاری گشتی كارا بكه‌ین و به‌هێزی بكه‌ین”.

دەشڵێت: “له‌پێداویستییه‌كانی كاراكردنی ئه‌م ده‌زگایه‌ ده‌ركردنی یاسایه‌كی تۆكمه‌یه‌ كه ‌تۆزێك ده‌ستی داواكاری گشتی بكاته‌وه‌ و تۆزێك ده‌سه‌ڵاتی زیاتر بداتێ و هێزی زیاتر بداتێ”.

بەوتەی حاکم فەرهاد، هەرێمی کوردستان له‌چوارچێوه‌ی یاسایه‌ك ئیش ده‌كات كه‌ له‌ساڵی 1979 وه‌ ده‌رچووه‌، یه‌كێك له‌ ئامانجه‌ گرنگه‌كانی ئه‌و یاسایه‌ ده‌ڵێت “پاراستنی ده‌ستكه‌وته‌كانی شۆڕش و به‌عسە” واته‌ یاسایه‌ك بۆ پارێزگاریكردن له‌خودی خۆی و له‌ده‌ستكه‌وته‌كانی حیزبی به‌عسی عه‌ره‌بی ئیشتراكی بێت، ئەمه‌ شه‌رمه‌زاری نییه‌ كه ‌ئێستاش به‌و یاسایه‌ ئیش ده‌كه‌ین، به‌ڵام به‌كێ بڵێین؟.”

دادوەر د. فەرهاد حاتەم دەشڵێت: “خاڵێکی تر ئەوەیە ئه‌م بابه‌ته‌ كه‌ له ‌دهۆك بووه،‌ بۆچی دادگای تاوانه‌كانی دهۆك دادگایی نه‌كردووه‌ و بۆچی هاتووەته‌ هه‌ولێر .”

سەرنجێکی تری یاسایی لەسەر کەیسی پێنج سزادراوەکەی بادینان خستەڕوو، وتی: “له‌ڕووی یاساییه‌وه‌ تاوان به‌چی دیاریده‌كرێت به‌و شوێنه‌ی كه‌تاوانه‌كه‌ی تێدا ئه‌نجامدراوه‌، بۆ نموونه‌ كه‌سێك له‌ سلێمانی تاوانێك ئه‌نجامده‌دات با ماڵی له‌هه‌ولێر یان دهۆكیش بێت، ئه‌و كه‌سه‌ ده‌بێت له‌دادگای سلێمانی دادگایی بكرێت.”

بەشی بکە لە
Previous Next
Close
Test Caption
Test Description goes like this