لاوتارۆ یانەکەی ئاگادار دەکاتەوە

0
501
لاوتارۆ مارتینێز

SNN Sport

لاوتارۆ مارتینێزی هێرشبەری یانەی ئینتەرمیلان، یانەکەی ئاگاداردەکاتەوە کە گوێ بۆ گرێبەستی هیچ یانەیەکی تر نەگرن بێجگە لە یانەی بەرشەلۆنە.

 

رۆژنامەی مۆندۆ دیپۆرتیڤۆ ئەمڕۆ پێنجشەممە بڵاویکردووەتەوە، هەردو یانەی پاریس سانجێرمان و مانچستەرسیتی گرنگی بە گواستنەوەی ئەو یاریزانە دەدەن و ئامادەن ئۆفەر پێشکەشی یانەی ئینتەرمیلان بکەن، بەڵام ئەو یانەکەی ئاگادارکردووەتەوە نایەوێت پەیوەندی بە ئەو 2 یانەیەوە بکات.

 

رۆژنامەکە دەڵێت” لاوتارۆ تەنها لە پێناو بەرشەلۆنە ئینتەرمیلان جێدەهێڵێت، ئەو یاریزانە دڵخۆشە لە یانەکەی ئێستای، بەڵام ئەگەر بەرشەلۆنە گرێبەستی پێشکەش نەکات پەیوەندی بە هیچ یانەیەکی ترەوە ناکات و رازی نیە ئینتەرمیلان گفتوگۆ  بۆ گواستنەوەی لەگەڵ یانەکانی پاریس سانجێرمان و مانچستەرسیتی بکات”.

 

لاوتارۆ مارتینێز نرخی هەڵوەشانەوەی گرێبەستەکەی 111 ملیۆن یۆرۆیە، ئەگەر هەر یانەیەک بیەوێت ئەو یاریزانە بگوازێتەوە دەبێت ئەو بڕە پارە بە ئیدارەی بەرشەلۆنە بدات، بەڵام  یانە کەتەلۆنیەکە دەیەوێت 2 یاریزانی لە گرێبەستی گواستنەوەی ئەو یاریزانە بەکار بهێنێت.

 

یانەی بەرشەلۆنە دەیەوێت لاوتارۆ بۆ جێگرەوەی لویس سوارێز بکڕێت، ئەمەش بەهۆی زۆربوونی تەمەنی هێرشبەرە ئۆرۆگواییەکە و نزیکبوونەوە لە تەواوبوونی گرێبەستەکەی.

 

بەشی بکە لە
Previous Next
Close
Test Caption
Test Description goes like this