وەزارەتی پێشمەرگە”داواکارین مووچە و شایستە داراییەکانی ئەمریکا هەموو هێزی پێشمەرگە بگرێتەوە”

0
126

SNN

ئەمڕۆ سێشەممە، شۆڕش ئیسماعیل، وه‌زیری پێشمه‌رگه‌ی حكومه‌تی هه‌رێمی كوردستان و شاندی یاوەری، له‌گه‌ڵ وه‌فدێكی باڵای راوێژكارانی سه‌ربازی ئه‌مریكا کەپێکهاتبوون لەكۆلۆنێل ڤۆرهیس، به‌رپرسی نوسینگه‌ی هه‌ماهه‌نگی ئه‌منی له‌ عێراق و كۆلۆنێل جولیات، به‌رپرسی نوسینگه‌ی هه‌رێمی كوردستان و شاندی یاوەریان کۆبوەوە و داوای لێکردن موچە و شایستە داراییەکانی ئەمریکا هەمو هێزی پێشمەرگە بگرێتەوە.

لە راگەیەندراوێکی وەزارەتی پێشمەرگەدا هاتووە، له‌كۆبوونەوەیەکدا وەزارەتی پێشمەرگە و شاندی باڵای راوێژکارانی سەربازی ئەمریکا به‌ وردی گفتوگۆیان له‌باره‌ی شایسته‌ داراییه‌كانی هێزی پێشمه‌رگه‌ی كوردستان کرد، وه‌زیری پێشمه‌رگه‌ داوای به‌رده‌وامبون و فراوانی هاوكارییه‌كان و یارمەتیە داراییەکان بۆ سەرجەم هێزەکان کرد، به‌رپرسی نوسینگه‌ی هه‌ماهه‌نگی ئه‌منی ئه‌مریكاش له‌ عێراق، به‌ڵێنیدا به‌ بەزویی و بەشێوەیەکی جدی دیراسه‌ی ئه‌و پرسه‌ ب‌كه‌ن، جەختیشیانکردەوە له‌خه‌می باشكردن و چاكتر كردنی ژیان و گوزه‌رانی سه‌رجه‌م هێزه‌كانی پێشمه‌رگه‌ به‌باشی تێده‌گه‌ن، هەر لە کۆبوونەوەکەدا گفتوگۆكرا له‌سه‌ر دوایین پێشهات و مه‌ترسییه‌كانی تیرۆریستانی داعش له ‌عێراق و ناوچه‌كه‌، وه‌فدی باڵای سه‌ربازی ئه‌مریكا ئاشكرایانكرد، له‌ئێستادا مه‌ترسیه‌كانی داعش و گروپه‌ تیرۆریستیه‌كانی تر له‌ فراوانبووندایه‌، ده‌خوازێت به‌زویی رێگریان لێبكرێت.

شۆرش ئیسماعیل لە کۆبوونەوەکەدا ئەوەشی روونکردنەوە، هاوكارییه‌كانی ئه‌مریكا و هاوپه‌یمانان جێی ستایش و بایه‌خی زۆری ئێمه‌یه‌ بۆ رووبه‌ڕووبوونه‌وه‌ی مه‌ترسییه‌كانی تیرۆریستان له‌ ئێستا و ئاینده‌دا، لای خۆشییەوە، کۆڵونێڵ ڤۆڕهێس، به‌ڵینی دا به‌زویی كار به‌و داوایه‌ ده‌كه‌ن و دوای دیراسه‌كردنی خۆیان ده‌رئه‌نجامه‌كه‌ی به‌وه‌زاره‌تی پێشمه‌رگه‌ ده‌گه‌ێیننه‌وه‌. وتیشی، ” له‌خه‌می ژیان و گوزه‌رانی پێشمه‌رگه‌ تێده‌گه‌ین و به ‌جددی كار بۆ باشكردنیان ده‌كه‌ن”.

بەشی بکە لە
Previous Next
Close
Test Caption
Test Description goes like this