ئاژانسی وزەی ئەتۆم” ئێران بە رێژەی %20 دەستیکردووە بە پیتاندنی یۆرانیۆم”

0
133

SNN

ئاژانسی نێوده‌وڵه‌تی وزه‌ی ئەتۆم، رایگه‌یاند: ئێران به‌ رێژه‌ی (%20) ده‌ستیكردووه‌ته‌وه‌ به‌ پیتاندنی یۆرانیۆم، به‌ڵام له‌ کۆتایی ساڵی رابردوودا، ئه‌و رێژه‌یه‌ نه‌گه‌یشتبووه‌ (%4.5).

ئاژانسه‌كه‌، له‌ راپۆرتێكدا بڵاویكردووه‌ته‌وه‌، ئێران توانیویه‌تی له‌ پیتاندنی یۆرانیۆم به‌ رێژه‌ی (%20)، (17.6) كیلۆگرام یۆرانیۆم به‌ده‌ستبهێنێت. ئه‌مه‌ش پێشێلكردنی رێككه‌وتنی ڤیه‌ننایه‌، كه‌ تایبه‌ته‌ به‌ رێكخستنی چالاكییه‌ ناووكییه‌كان.

ئاماژەی بەوەشکردووە، ئه‌و بڕه‌ یۆرانیۆمه‌ی به‌رهه‌مهێنراوه‌، گونجاوه‌ له‌گه‌ڵ به‌رهه‌مهێنانی (10) كیلۆگرام یۆرانیۆمی ئاست به‌رزی پیتێنراو، به‌ شێوه‌ی مانگانه‌، وه‌ك ئه‌وه‌ی له‌ یاساكه‌ی ئه‌نجوومه‌نی شوورای كۆماری ئیسلامی ئێران له‌ مانگی (كانوونی یه‌كه‌می رابردوودا بڕیاری له‌سه‌ر درابوو.

ئاژانسی نێوده‌وڵه‌تی وزه‌ی ناووكی روونیكردووه‌ته‌وه‌، تا رۆژی (16ی شوباتی 2021)، به‌رهه‌می یۆرانیۆمی پیتێنراوی كۆگاكراو گه‌یشتووه‌ته‌ نزیكه‌ی (3) ته‌ن. ئه‌مه‌ له‌ كاتێكدایه‌ به‌ گوێره‌ی رێككه‌وتنی ناووكی “پێنج كۆ یه‌ك” ده‌بێت بڕی یۆرانیۆم له‌ (202.8) كیلۆگرام زیاتر نه‌بێت.

بەشی بکە لە
Previous Next
Close
Test Caption
Test Description goes like this