ویستێكى سیاسى هه‌یه‌ بۆ ئه‌وه‌ى هه‌ڵبژاردنى پێشوه‌خته‌ى عێراق دوابخرێت

0
132

SNN

ئه‌ندامێكى ئه‌نجوومه‌نى نوێنه‌رانى عێراق له‌ هاوپه‌یمانى سائیرون رایده‌گه‌یه‌نێت: ویستێكى سیاسى هه‌یه‌ له‌ عێراق بۆ دواخستنى هه‌ڵبژاردنه‌كان، ده‌شڵێت: “پێویسته‌ هه‌ڵوه‌شاندنه‌وه‌ى په‌رله‌مانى عێراق نزیكبێت له‌ واده‌ى هه‌ڵبژاردنه‌كانه‌وه‌”.

ئه‌مڕۆ شه‌ممه‌ ڕیاز مه‌سعودى، ئه‌ندامى ئه‌نجوومه‌نى نوێنه‌رانى عێراق له‌ هاوپه‌یمان سائیرون به‌ میدیاكانى عێراقى راگه‌یاند: “له‌ ئێستادا ویستێكى سیاسى هه‌یه‌ بۆ ئه‌وه‌ى هه‌ڵبژاردنى پێشوه‌خته‌ى عێراق دوابخرێت، چونكه‌ زۆرینه‌ى هێزه‌ سیاسییه‌كانى عێراق ده‌یانه‌وێت له‌ ده‌سه‌ڵاتدا بمێننه‌وه‌ و كورسییه‌كانیان چۆڵنه‌كه‌ن”.

ئه‌و ئه‌ندامه‌ى هاوپه‌یمانى سائرون ئه‌وه‌شده‌خاته‌ڕوو: “پێویسته‌ رۆژێك دیارى بكرێت بۆ ئه‌وه‌ى ئه‌نجوومه‌نى نوێنه‌رانى عێراق هه‌ڵبوه‌شێنرێته‌وه‌، به‌ڵام له‌وه‌ گرنگتر ئه‌وه‌یه‌ ئه‌و رۆژه‌ نزیك بێت له‌ هه‌ڵبژاردنى پێشوه‌خته‌وه‌ بۆ ئه‌وه‌ى هه‌موو بابه‌ته‌كه‌ به‌پێى ده‌ستوور به‌ڕێوه‌بچێت”.

باس له‌وه‌شده‌كات: “ناكرێت ئه‌نجوومه‌نى نوێنه‌رانى عێراق هه‌ڵبوه‌شێنرێته‌وه‌، تاوه‌كو سه‌رۆككۆمارى عێراق داواى ئه‌و بابه‌ته‌ نه‌كات و په‌سه‌ندى نه‌كات، دوو له‌سه‌ر سێى ئه‌ندامانى ئه‌نجوومه‌نى نوێنه‌رانى عێراقیش په‌سه‌ندى نه‌كه‌ن”.

رۆژى 24ى شوبات، عه‌لى بدێرى، ئه‌ندامى ئه‌نجوومه‌نى نوێنه‌رانى عێراق رایگه‌یاند: “په‌رله‌مانتارانى كوتله‌ جیاوازه‌كان واژوو كۆده‌كه‌نه‌وه‌ بۆ هه‌ڵوه‌شاندنه‌وه‌ى په‌رله‌مانى عێراق له‌ 5ى تشرینى یه‌كه‌م، وه‌ك ئاماده‌كارییه‌ك بۆ ئه‌نجامدانى هه‌ڵبژاردنى پێشوه‌خت له‌ 10ى تشرینى یه‌كه‌می ئەمساڵ”.

بەشی بکە لە
Previous Next
Close
Test Caption
Test Description goes like this