وەزیری نەوتی عێراق ” پرۆژە یاسای نەوت و گاز دەبێتە فاکتەری رێکخستنەوەی سامانی سروشتی عێراق”
ئیحسان عه‌بدولجه‌بار، وه‌زیرى نه‌وتى عێراق | فۆتۆ: BaghdadToday
SNN
ئیحسان عەبدولجەبار، وەزیری نەوتی عێراق بە میدیا عێراقییەکانی رایگه‌یاند: گرنگە پەلە له بڕیاردان لەسەر ره‌شنووسی پڕۆژه‌یاسای نەوت و گازی فیدراڵی بكرێت، یاساكە دەبێتە فاكته‌ری رێكخستنه‌وه‌ی بەڕێوەبردنی سامانی نەوت و گاز لە عێراق.
وەزیری نەوتی عێراق ئاماژه‌ى ئەوەشی ڕوونکردەوە، لە كۆبوونەوەكەی وەزارەتی نەوتدا تاوتوێ و پێداچوونەوەی دوا ره‌شنووسی پڕۆژه‌یاساكە كراوە تاوەكو بە زووترین كات بڕیاری له‌سه‌ر بدرێت و رەوانەی ئەنجوومەنی وەزیران بكرێت، تاوەكو واژوو بكرێت، دواتر ئەنجومەنەكە رەوانەی ئەنجومەنی نوێنەرانی دەكات تاوەكو گفتوگۆ و ده‌نگدانی لەسەر بكرێت.
ئیحسان عه‌بدولجه‌بار، گه‌شبینه بەوەی یاساكه ده‌بێته ھۆی پەرەپێدانی كەرتی نەوت و گاز و ھەروەھا وەبەرھێنان لە سامانی نیشتمانی.
