ئەمریکییەک سێ کەس دەکوژێت و دڵی یەکێکیان لەگەڵ پەتاتە دەکوڵێنێت

0
295
لێکۆڵینەوەى پۆلیس لەکاتى تاوانێکدا | فۆتۆ: Tony Webster / Flickr

SNN

میدیاکانی ئەمریکا بڵاویانکردووەتەوە کە کەسێک لە ویلایەتی ئۆکلاهۆما پاشئەوەی سێ کەسی دیکە دەکوژێت، دڵی یەکێکیان دەردێنێت و لەگەڵ پەتەتەدا دەیکوڵێنێت.

لۆرینس بۆل ئاندرسن تەمەن 42 ساڵ دانی بەوەدا ناوە کە مامی و کچەکەی و دراوسێیەکی کوشتووە و ئامۆژنیشی بە سەختیی بریندار کردووە.

بەپێی بەیاننامەیەکی پۆلیسی ئۆکلاهۆما سیتی، ئاندرسن یەکەمجار دراوسێیەکی خۆی کوشتووە بەناوی لین و دواتر دڵی بڕیوە و بەکوڵاویی بردوێتی بۆ ماڵی مامی تا دەرخواردی مامی و کچەکەی و ئامۆژنی بدات.

رۆژنامەی ئۆکلاهۆما نووسیوێتی: “کە ئاندرسن پاشئەوەی دڵە کوڵاوەکەی لەگەڵ پەتاتە پێشکەشی ماڵی مامی کردووە، ئەوان رەتیانکردووەتەوە بیخۆن، دواتر بە چەقۆ کەوتووەتە وێزەیان، بەڵام ئامۆژنی هێشتا ئەژی”.

دوای پشکنینی تۆمەتبار، دەرکەوتووە کە دەناڵێنێت بە دەست نەخۆشی دڵەوە و جار جارەش تووشی گەشکە دەبێت و باری دەروونیی جێگیر نییە.

بەشی بکە لە
Previous Next
Close
Test Caption
Test Description goes like this