لەدوای بۆردومانەکەی دێرەزوور دیمەشق داوایەک لە ئەمریکا دەکات

0
399

SNN

وەزارەتی دەرەوەی سوریا ئیدانەی هێرشی شەوی رابردووی ئەمریکای کرد بۆ سەر گروپە چەکدارەکانی نزیک لە ئێران، لە سنووری نێوان سوریا و عێراق و داواشی لێکرد “ئەمریکا هەڵوێستی خۆی دژ بە سوریا بگۆڕێت”.

لە راگەیەندراوێکدا وەزارەتی دەرەوەی سوریا رایگەیاندووە: “هێرشەکە ئاماژەیەکی نەرێنی بوو بۆ سیاسەتی ئیدارەی نوێی ئەمریکا کە بڕیاربوو پابەندبێت بە یاسا نێودەوڵەتییەکانەوە، بەڵام وادەردەکەوێت کە درێژەپێدەری سیاسەتەکانی ئیدارەی پێشووی ئەمریکایە لە چۆنیەتی مامەڵەکردنی لەگەڵ قەیرانە هەرێمی و نێودەوڵەتییەکاندا”.

ئاماژەی بەوەشکردووە: “سوریا داوا لە ئەمریکا دەکات کە هەڵوێستە دوژمنکارییەکەی لە دژی بگۆڕێت و چیتر پاڵپشتی لە رێکخراوە تیرۆرستییەکان نەکات کە هاووڵاتیانی سوری دەکەنە ئامانج”.

ئەمە لەکاتێکدایە ئەمریکا هێرشی ئاسمانی کردە سەر چەند گروپێکی چەکداری نزیک لە ئێران، لە خاکی سوریا و وتەبێژی پێنتاگۆنیش رایگەیاند “هێرشەکە لە تۆڵەی هێرشە مووشەکیەکەی هەولێر و بەغدا بووە”.

بەشی بکە لە
Previous Next
Close
Test Caption
Test Description goes like this