دوای هێرشەکەی سەر سوریا، میلیشیا عێراقییەکان هەڕەشە دەکەن و گلەییش لە بەغدا دەکەن

0
399

SNN

میلیشیا چەکدارەکانی عێراق ئیدانەی هێرشەکەی ئەمدواییەی ئەمریکا دەکەن بۆ سەر سنووری سوریا و هەڕەشەی تۆڵەکردنەوەیەکی توند دەکەن لە واشنتن، هاوکات گلەییش لە هەڵوێستی بەغدا دەکەن.

قەیس خزعەلی ئەمینداری گشتیی عەسایبی ئەهلولحەق دەڵێت “ئەو کارەی ئەمریکا تابڵێی قێزەون بوو، وتیشی: “تاکە رێگە بۆ سەقامگیری، دەرکردنی هێزەکانی ئەمریکایە”.

لایخۆیەوە بزوتنەوەی نوجەبا رایدەگەیەنێت “ئۆپراسیۆنەکەی ئەمریکا لەسەر سنووری بوکەمال بێ تۆڵە کردنەوە تێپەڕ نابێت لەلایەن هێزەکانی مقاوەمەوە”.

ئەبو ئالا وەلائی-ش کە ئەمینداری گشتی سەید شوهەدایە، دەڵێت “ئەو هێرشانەی ئەمریکا لای ئێمە نامۆ نین، ئیدانەی لێدوانێکی فوئاد حسێن وەزیری دەرەوەی عێراقیشی کرد کە وتبووی “هیچ مقاوەمەیەک بوونی نییە لە عێراقدا”.

هاوکات هادی عامریش کە سەرۆکی هاوپەیمانیی فەتح-ە، دەڵێت: “دەبێت سەرۆکوەزیرانی عیراق لێکۆڵینەوە لەو هێرشە بکات کە کراوەتە سەر سنوور”.

دەشڵێت: “ئەوەی ئەمریکا دەیڵێت گوایە میلیشیای چەکداری کردووەتە ئامانج، دوورە لەراستییەوە، بەڵکو هێزەکانی حەشدی شعبین و لەسەر سنوور جێگیر کراون”.

رۆژی هەینی روانگەی سوری بۆ چاودێری مافەکانی مرۆڤ رایگەیاند: فڕۆکە جەنگییەکانی ئەمریکا دوو گروپی شیعەی چەکداری سەر بە ئێرانیان لە سوریا کردووەتە ئامانج و بەهۆی هێرشەکەوە 17 چەکدار کوژراون.

جۆن کێربی وتەبێژی وەزارەتی بەرگری ئەمریکا ڕایگەیاند: هێرشە ئاسمانییەکەی ئەمریکا بە فەرمانی راستەوخۆی جۆو بایدن بووە، وەک تۆڵەیەک بۆ ئەو هێرشە مووشەکییانەی کە بەرژەوەندییەکانی ئەمریکای لە ناوچە جیاوازەکانی عێراق کردووەتە ئامانج.

هێرشە ئاسمانییەکە هەردوو گروپی کەتائیب حزبوڵڵا و کەتائیب ئەلشوھەدای سەر بە ئێرانی لە سوریا کردە ئامانج، بەپێی ئامارە سەرەتاییەکان لەو هێرشەدا نزیکەی 30 چەکدار کوژراون.

بەشی بکە لە
Previous Next
Close
Test Caption
Test Description goes like this