لەسەر دەستوەردانی سەربازی لە هەرێم تورکیا و ئێران رەخنە لەیەکتر دەگرن

0
314

SNN

دوای ئەوەی باڵیۆزی ئێران لە بەغدا رەخنەی لە بوونی هێزەکانی تورکیا گرت لە خاکی هەرێم و عێراق، باڵیۆزی تورکیا بە رەخنە وەڵامیدایەوە.
فاتیح یەڵدز، باڵیۆزی تورکیا لە بەغدا لە تویتێکدا رایگەیاند: “باڵیۆزی ئێران دوایین کەسە لە بابەتی رێزگرتن لە سنوورەکانی عێراق ئامۆژگاریی تورکیا بکات”.
ئەمەش لە وەڵامی ئیرەج مەسجدی، باڵیۆزی ئێراندا بوو کە وتبووی: “پێویستە تورکیا بگەڕێتەوە ئەو سنوورانەی کە لە نەخشەی نێودەوڵەتیدا دیاریکراوە و عێراقییەکان خۆیان سنوورەکانی وڵاتەکەیان بپارێزن”.
تورکیا چەند ساڵێکە ئۆپراسیۆنی سەربازی لە خاکی هەرێم ئەنجامدەدات بە بیانووی بوونی گەریلاکانی پەکەکە و ئێرانیش چەند جارێک بۆردومانی ناوچە سنوورییەکانی کردووە بۆ بەئامانجگرتنی ئەو هێزە چەکدارییە کوردیانەی کە دژ بە پاسداران لە شەڕدان.

 

بەشی بکە لە
Previous Next
Close
Test Caption
Test Description goes like this