حەلبوسی هۆشداری دەداتە باڵیۆزانی ئێران و تورکیا

0
227

SNN

لەدوای لێدوانەکانی ئەم دوایەی باڵیۆزانی تورکیا و ئێران لە بەغدا، سەبارەت بە دەستوەردانی وڵاتەکانیان لە هەرێم و عێراق، سەرۆکی پەرلەمانی عێراق نیگەرانی دەربڕی و رایگەیاند: “دەبێت رێز لە سەروەری عێراق بگرن”.

محەمەد حەلبوسی لە تویتێکیدا رایگەیاند: نێردە دیپلۆماتییەکان ئەرکیان ئەوەیە کە نوێنەرایەتی وڵاتەکانیان بکەن و ھەوڵیش بدەن ھاوکارییەکانی نێوان وڵاتەکانیان لەگەڵ عێراق پتەوتر بکەن، بۆیە پێویستە ژمارەیەک لە نوێنەرانی نێردە دیپلۆماتییەکان، باش لە ئەرکەکەیان تێبگەن و دەستوەردان لەو پرسانە نەکەن کە پەیوەندی بەوانەوە نییە”.

محەمەد حەلبوسی راشیگەیاندووە “پێویستە نوێنەرانی نێردە دیپلۆماتییەکان، رێز لە سەروەریی عێراق بگرن، بۆ ئەوەی بەھەمان شێوە مامەڵەیان لەگەڵدا بکرێت”.

ئەمەیش دوای ئەوە دێت کە دوێنێ شەممە، باڵیۆزی ئێران لە عێراق، ئیرەج مەسجدی لە چاوپێکەوتنێکیدا رایگەیاندبوو “دەستوەردانی سەربازیی تورکیا لە عێراق رەتدەکەینەوە، پێویستە ھێزەکانی تورکیا نەبن بە ھەڕەشە یان پێشێلکردنی خاکی عێراق “.

باڵیۆزی ئێران لە بەغدا راشیگەیاندبوو “تورکیا چ پەیوەندییەکی بە شنگالەوە ھەیە، ئەمە پرسێکی ناوخۆیی عێراقە و عێراقییەکان خۆیان دەبێت ئەمە چارەسەر بکەن، تورکیا ناتوانێت ھەڕەشە بکات یان بڕیار لەسەر ئەم بابەتە دەربکات”.

فاتیح یڵدز، باڵیۆزی تورکیا لە عێراق لە تویتێکدا وەڵامیدایەوە و وتی: “باڵیۆزی ئێران لە عێراق، ئیرەج مەسجدی دوایین کەسە لە بابەتی رێزگرتن لە سنوورەکانی عێراق، وانە بە تورکیا بدات”

بەشی بکە لە
Previous Next
Close
Test Caption
Test Description goes like this