فڕۆکەیەکی رووسی لەناوچەکانی ژێر دەسەڵاتی لایەنگرانی تورکیا لە سوریا کەوتەخوار

0
489

SNN

روانگەی سوری بۆ مافەکانی مرۆڤ ئەمڕۆ یەکشەممە رایگەیاند “هێلیکۆپتەرێکی رووسی لە باکوری سوریا کەوتووەتە خوار کە میلیشیا هاوپەیمانەکانی تورکیا تیایدا باڵادەستن”.

روانگەکە روونیکردووەتەوە “فڕۆکەکە لە نێوان هەردوو گوندی قاسمیە و ریحانیەدا کەوتووەتە خوار لە تەلتەمەر سەربە پارێزگای حەسەکە، لە نزیک بنکەی سەربازیی مەباقر کە رووسەکانی لێن”.

تائێستا نازانرێت فڕۆکە رووسییەکە کەوتووەتە خوار بەهۆی هەڵەیەکی میکانیکییەوە یان خراوەتە خوار، بەپێی هەندێک سەرچاوە ستافەکەشی تووشی برینی سەخت بوون و باری تەندروستییان جێگیر نییە.

ئەوەی جێی وەبیرهێنانەوەیە ئەوەیە کە لە ئێستادا رووسیا خەریکی خۆ سەپاندنە لەو ناوچانەی لەژێر دەسەڵاتی رژێمی سوریادان، بەتایبەت باکوری خۆرهەڵاتی سوریا.

بەشی بکە لە
Previous Next
Close
Test Caption
Test Description goes like this