بریکاری وەزارەتی پەروەردە: تائێستا دۆخی خوێندنگەکان لەڕووی کۆرۆناوە باشە

0
402
یەکێک لە خوێندنگاکانى هەرێمى کوردستان | فۆتۆ: SNN

SNN

بریکاری وەزارەتی پەرەوەردەی هەرێم دەڵێت: “لیژنەی باڵای رووبەڕووبوونەوەی کۆرۆنا هەر بڕیارێک بدات ئەوان پێوەی پابەندن، دەشڵێت: “لەڕووی کۆرۆناوە دۆخی خوێندنگەکانمان باشە”.

هەر ئەمڕۆ یەکشەممە ئالان حەمە سەعید، وەزیری پەروەردەی حكومەتی هەرێمی كوردستان له‌ لێدوانێكی رۆژنامه‌وانیدا رایگه‌یاند: سبه‌ی دووشه‌ممه‌ لیژنەی باڵای ڕووبەڕووبوونەوەی كۆرۆنا كۆدەبێتەوە و هەڵسەنگاندن بۆ دۆخی تەندروستی ناوەندەكانی خوێندن ده‌كرێت، بریار له‌ رێكاره‌كانی خۆپارێزی توندتر ده‌درێت.

د. سەیوان عەلی بریکاری وەزارەتی پەروەردەی حکومەتی هەرێمی کوردستان بە SNNی راگەیاند “ئێمە پشت بە راپۆرتی وەزارەتی تەندروستی دەبەستین و هەر بڕیارێک لیژنەکە بیدات ئێمە پابەند دەبین”.

وتیشی: “دڵخۆشکەرییەکی زۆر هەیە و لیژنە هاوبەشەکانی پەرەوەردە و تەندروستیش گەڕاون و تائێستا دۆخی قوتابخانە و خوێندنگەکان لە رووی کۆرۆناوە باشن”.

وه‌زیری په‌روه‌رده‌ پێشتر وتبووی: هه‌ر كاتێک لیژنەی باڵای ڕووبەڕووبوونەوەی كۆرۆنا داوا له‌ ئێمه‌ بکات بۆ داخستنی ناوه‌نده‌كانی خۆێندن، ئێمه‌ش پابه‌ندی رێنمایی لیژنەی باڵای ڕووبەڕووبوونەوەی كۆرۆنا ده‌بین بۆ سه‌لامه‌تی گیانی خوێندکار و مامۆستا، به‌ڵام هیچ بریارێك نه‌دراوه‌ بۆ داخستنی ده‌رگای قوتابخانه‌كان.

رۆژی یەکشەممە 7ی ئەم مانگە لە هەرێمی کوردستان پرۆسەی خوێندن بۆ ئەو قۆناغانە دەستیپێکردەوە کە پێشتر بەهۆی کۆرۆناوە دەوامیان راگیرابوو.

بەشی بکە لە
Previous Next
Close
Test Caption
Test Description goes like this