سەرۆکوەزیرانی چیک: هەڕەشەی کوشتن لە خۆم و خێزانەکەم دەکرێت

0
241

SNN

سەرۆکوەزیرانی چیک ئاشکرایدەکات “پۆلیسی وڵاتەکەی مانگی یەکی رابردوو ئاگاداریان کردووە کەسێک هەڕەشەی کوشتنی لە خۆی و ئەندامانی خێزانەکەی کردووە”.

ئەمڕۆ یەکشەممە ئەندرێ بابیچ لەلێدوانێکی رۆژنامەوانیدا وتی: “رۆژی 8ی مانگی یەکی رابردوو پۆلیس ماڵەکەمی خستە ژێر پاسەوانیی توندەوە، بەهۆی ئەوەی کەسێک هەڕەشەی لە خۆم و ئەندامانی خێزانەکەم کردبوو بە کوشتنمان بە فیشەک”.

پۆلیسی چیک دەڵێت دۆسێیەکیان لە شاری براگ-ی پایتەخت کردووەتەوە بۆ لێکۆڵینەوە لەو بابەتە و گەڕان بەدوای ئەو کەسەی هەڕەشەکەی ئەنجامداوە.

بەپێی هەندێک میدیاش، دوای لێکۆڵینەوە کەسێک بەناوی (لوكاچ براهاچيك) بە هاوکاری پۆلیسی ئینتەرپوڵ دەستگیر کراوە لەلایەن پۆلیسی ئیسانیاوە لە شاری بەرشەلۆنە.

تۆمەتبارەکە داوای لە سەرۆکوەزیرانی چیک کردووە واز لە دەسەڵات بهێنێت لە ماوەی 5 رۆژدا، بەپێچەوانەوە هەڕەشەی کوشتنی لێکردووە.

ئەندرێ بابیچ سیاسی و بزنسمانێکی سەربە حزبی ئانۆیە لە ساڵی 2011ەوە، ساڵی 1954 لەدایکبووە لە شاری براتیسلاڤا، لە ساڵی 2017ەوە سەرۆکوەزیرانی چیک-ە و دووەم دەوڵەمەند ترین پیاوی ئەو وڵاتەیە کە سەروەتەکەی بە 4.04 ملیار دۆلار مەزەندە دەکرێت.

بەشی بکە لە
Previous Next
Close
Test Caption
Test Description goes like this