روحانی: ئەمريکا دانیپێداناوە سزاکانی سەر ئێران هەڵەبوون

0
297

SNN

سەرۆکۆماری ئێران ڕايگەياند: “ئەمريکا دانیپێداناوە کە سزاکانی سەر ئێران هەڵەبوون، واشنتۆنیش ناچارە سزاکان هەڵوەشێنێتەوە”.

حەسەن روحانی سەرۆککۆماری ئێران لە لە ڕێوڕەسمی کردنەوەی چەند پڕۆژەيەکی وەزارەتی نەوت لە پارێزگاکانی بووشێهر و ئیلام باسی لەوەکرد: “ئيدارەی نوێی ئەمريکا چوار جار دانی بەوەدا ناوە فشارەکانی ئيدارەی پێشوی وڵاتەکەی هەڵەبووە”.

حەسەن روحانی وتيشی:” ئەو دانپێدانانەی ئەمريکا گەورەترين سەرکەوتنە بۆ ئێران”: جەختيشیکردەوە” ئەمريکا لە بەرامبەر گەلی ئێران تەسليم دەبێت”

روحانی بە ئاماژە بەوەشکرد: “ئەمساڵ بە کەمترین پشت بەستن بە نەوت وڵاتمان ئیدارە کردووە، دەشڵێت:”بەرهەمهێنانی پێترۆکیمیای ئێران لە ساڵی داهاتوو دەگاتە 100 میلیۆن تەن ئەوەش دووبەرامبەری ڕێژەی ئێستایە”.

لە ساڵی 2018 و لە سەردەمی ئيدارەی دۆناڵد تڕەمپ سەرۆکی پێشووی ئەمريکا واشنتۆن لە رێکککەوتنی ئەتۆمی ئێران کشايەوە، لەدوای کشانەوەکەش کۆمەڵێک سزای ئابووری بەسەر ئێراندا سەپاند.

بەشی بکە لە
Previous Next
Close
Test Caption
Test Description goes like this