کازمی باس لە گرنگی دانوستانەکانی هەرێم و بە‌غدا دەکات

0
449

SNN

سەرۆکوەزیرانی عێراق باس لە دانوستانەکانی نێوان هەرێم و بە‌غدا دەکات و دەڵێت: “گرنگی ئەو دانوستانە بۆ بەدەستهێنانی سازانێکە کە هەردولا لەسەری رەزامەندبن”.

مستەفا کازمی لە چاوپێکەوتنێکیدا لەگەڵ رۆژنامەی شەرقولئەوسەت راشیگەیاندووە: پەیوەندییەکانمان لەگەڵ هەرێمی کوردستان لەو ئاستەدا نین کە دەبووایە ببن.

دەشڵێت: حکومەت لەڕێگەى کردنەوەى چەند دۆسیە و پڕۆژەیەکەوە هەوڵى کۆتایهاتنى بە گرفتەکانى نێوان هەرێم و بەغدا داوە و بڕیارەکەش پەیوەستە بەوەى کە پەرلەمان دەنگى لەسەر دەدات.

وتیشی “هەرشتێک بۆ سەرتاسەری عێراقییەکان بخوازم هەر ئەوەش بۆ هاووڵاتیانی هەرێم دەخوازم”.

ئاماژەی بۆ ئەوەشکرد: ئەگەر هەریەک لە ئێمە لە چوارچێوەى دەستوردا پابەندى ئەرکەکانى بێت و کۆمەڵێک گرژى و ئاڵۆزیش چارەسەر بکرێن لەپەیوەندیەکاندا لەگەڵ هەرێم، ئەمانە هۆکاری سەرەکین بۆ چارەسەرى کێشە سیاسیەکانى هەردوولا.

بەشی بکە لە
Previous Next
Close
Test Caption
Test Description goes like this