ئایا سه‌رجه‌م هاووڵاتییانى عێراق ڤاكسین وه‌رده‌گرن؟

0
725
تاقیكردنه‌وه‌ى پێكوته‌ى كۆرۆنا له‌سه‌ر خۆبه‌خشێك | فۆتۆ: Alexandra Leslie

SNN
وته‌بێژى وه‌زاره‌تى ته‌ندروستیی عێراق رایده‌گه‌یه‌نێت: ڤاكسینى كۆرۆنا نادرێته‌ سه‌رجه‌م هاووڵاتییانى عێراق، ده‌شڵێت: “ته‌نیا 20%ى هاووڵاتییانى عێراق چانسى ئه‌وه‌یان هه‌یه‌ ڤاكسین وه‌ربگرن”.

ئه‌مڕۆ دووشه‌ممه‌ سه‌یف به‌در، وته‌بێژى وه‌زاره‌تى ته‌ندروستیی عێراق به‌ میدیاكانى عێراقى راگه‌یاند: “ئه‌و ڤاكسینه‌ى كه‌ ده‌گاته‌ عێراق 8 ملیۆن ژه‌مه‌، كه‌ ئه‌گه‌ر به‌راوردى بكه‌ینه‌وه به‌ ژماره‌ى دانیشتووان‌، بۆمان ده‌رده‌كه‌وێت‌ ته‌نیا 20%ى هاووڵاتییانى عێراق ده‌توانن ڤاكسین وه‌ربگرن”.

له‌ وه‌ڵامى ئه‌و پرسیاره‌ى ئه‌وه‌ى ئایا سه‌رجه‌م هاووڵاتییانى عێراق ڤاكسین وه‌رده‌گرن؟ وته‌بێژى وه‌زاره‌تى ته‌ندروستیی عێراق ده‌ڵێت: “ته‌نیا ئه‌و كه‌سانه‌ى كه‌ پێویسته‌ ڤاكسین وه‌ربگرن، بۆ نموونه‌ ئه‌وانه‌ى كه‌ به‌ركه‌وتنى راسته‌وخۆیان له‌گه‌ڵ ڤایرۆسه‌كه‌ هه‌یه‌ ڤاكسین وه‌رده‌گرن”.

ئاماژه‌ به‌وه‌شده‌كات: “له‌ ئێستادا ته‌نیا ئه‌و رێژه‌یه‌ى كه‌ باسكرا له‌ عێراق ڤاكسین هه‌یه‌، به‌ڵام ئه‌گه‌رى هه‌یه‌ له‌ داهاتوودا عێراق ڤاكسینى تر بكڕێت و رێژه‌ى ئه‌و كه‌سانه‌ى كه‌ چانسى وه‌رگرتنى ڤاكسینیان هه‌یه‌ زیاتر بێت”.

له‌ به‌شێكى ترى قسه‌كانیدا سه‌ف به‌در ئاماژه‌ به‌وه‌شده‌كات: “له‌ هیچ وڵاتێكى دونیا سه‌رجه‌م هاووڵاتییان ڤاكسین وه‌رناگرن، چونكه‌ ڤاكسین به‌پێى ته‌مه‌ن و رێژه‌ى پێویستى ده‌گۆڕێت، بۆ نموونه‌ تاوه‌كو ئێستا له‌ دونیا نه‌توانراوه‌ ڤاكسینێك گه‌شه‌ى پێبدرێت كه‌ بۆ ژنانى دووگیان گونجاو بێت”.

بەشی بکە لە
Previous Next
Close
Test Caption
Test Description goes like this